Муниципальная бюджетная дошкольная образовательная организация «Детский сад общеразвивающего вида №1» села Актаныш Актанышского муниципального района РТ
Визитная карточка
| Адрес: | 423740, РТ, Актанышский район, с. Актаныш, ул. Х. Такташ, д. 53 |
| Телефон: | +7(855)523-07-27 |
| E-Mail: | Detsad1.Akt@tatar.ru |
| Министерство: | Министерство образования и науки Республики Татарстан |
| Короткое название: | МБДОО «Детский сад общеразвивающего вида №1» с.Актаныш |
| Руководитель: | Бикмитова Эльвира Хамитовна |
| Год основания учреждения: | 2014 |
| У нас учатся: | 89 |
| У нас учат: | 14 |
Муниципальная бюджетная дошкольная образовательная организация «Детский сад общеразвивающего вида №1» села Актаныш Актанышского муниципального района РТ - новости
Страницы: << ( 61 ) 62 63 64 65 66 67 68 69 70 >>
-
"Йолдызлык - 2019"/ "Созвездие - 2019" 01.03.2019

Язның беренче көне - 1 нче март көнне район мәдәният йорты гөр килеп торды. Чөнки барлык балалар бакчалары арасында ай дәвамында барган "Йолдызлык -2019" бәйгесенең бүген иң күңелле мизгеле - Гала концерты узды. Безнең бакчабызның нәниләре дә сәхнәдә үзләрен чын йолдызлар итеп күрсәттеләр. Тырышлыкның нәтиҗәсе барыбызны да сөендерде - безнең бакчабыз 2 нче урынга лаек булды. Әти-әниләр белән кулга-кул тотынып эшләгәндә генә шундый зур уңышларга ирешеп була. Җиңү яулаган нәниләребезнең киләчәктә барлык уй-хыяллары да чынга ашсын иде!
-
"Сак булыгыз: грипп килә!" 27.02.2019

Көннәр салкын тору сәбәпле әлегә грипп вирусына таралырга шартлар булмады, тик көннәр җылына башлады, безнең республикада да авыручыларның артуы ихтимал. Без, балалар бакчасы хезмәткәрләре исә, үз чиратыбызда әти-әниләребез белән берлектә балаларның сәламәтлеге турында кайгыртырга тиеш. Төркемебездә урнашкан ата-аналар почмагыда "Сак булыгыз: грипп килә!" ширмалары урнаштырылды һәм әти-әниләргә консультацияләр уздырылды.Табиблар исә авырудан мөмкин кадәр сакланырга киңәш итәләр. Иң ышанычлы саклану юлы булып гаддәтәгечә, гриппка каршы прививканы атыйлар. Авыруның беренче билгеләрендә үк 24 сәгать эчендә вируска каршы препаратлар, дарулар куллану файдалы. Күп итеп су эчәргә, С витаминына бай ризыклар ашарга киңәш ителә. Грипп өзлегүләр китереп чыгаруы белән куркыныч, шуңа да үз белдеклегең белән дәваланырга ярамый. Югары температура күзәтелгәндә, табибны өйгә чакыртырга киңәш ителә.
-
Әкият илендә... 26.02.2019

Төрле-төрле әкиятләр
Яратабыз тыңларга.
Бүген менә кызык булды,
Апа кушты уйнарга.
1 нче кечкенәләр төркеме балалары тәрбияче апалары Фәрсия Фәһим кызы сөйләгән әкиятләрне тыңларга бик яраталар.Ә бүген аларга апалары өстәл театрын биреп, үзләренә геройлар булырга тәкъдим итте.Балалар бер дә югалып калмыйча, матур итеп әкият сөйләделәр. Бу шөгыль балаларга бик кызыклы булды.
-
Тәрәз төбендә мини-бакча 25.02.2019

Яз, яз, яз җитә,
Тәрәзәне ачтылар....
Чыннан да табигатьтә яз хакимлек итә. Көннәр озынайды, кояш та яктырак җылыта. Бакчачылар исә яшелчә, чәчәк орлыкларын инде чәчәргә дә өлгерде. Ә зурлар төркеме балалары үзләре алып килеп, суган утыртып, тәрәз төбендә язгы бакча булдырдылар.
-
23 февраль - "Ватанны саклаучылар көне" 23.02.2019

23 февраль – Ватанны саклаучылар көне уңаеннан безнең “Умырзая” балалар бакчасы балалары әтиләренә бүләк әзерләделәр. Мәктәпкә әзерлек “Б” төркемендә балалар әтиләргә самолет ясадылар. Үз куллары белән ясаган бүләкләрен балалар шатлана-шатлана әтиләренә бүләк иттеләр. Әтиләрнең күңеленә бүләкләр хуш килде.
-
"Җитәкчеләр спартакиадасы - 2019" 23.02.2019

Районыбызда спорт буенча бик күп ярышлар узып тора. Ә менә бүгенге спартакиада аеруча да кызыклы. Чөнки әлеге ярышта районыбыз җитәкчеләре көч сынашты. Безнең бакчабыз мөдире Лилия Рәмзил кызы да бүген үзен чын спортсменка итеп күрсәтте. Бадминтон-III, өстәл теннисы-II урыннар алып, чангы ярышында катнашып, троеборьебуенча III лаек булды. Без үз чиратыбызда, җитәкчебезне спорт өлкәсендә ирешкән уңышлары белән чын күңелдән котлыйбыз һәм бик тә горурланабыз.
-
Котлыйбыз! 22.02.2019

Һәр һөнәр иясе үзенең белемен камилләштереп торырга, эзләнүдә булырга тиеш. Бары шул вакытта гына иҗади уңышларга ирешеп була. Бүген Актаныш технологик техникумы базасында зур тантана узды: "Ел тәрбиячесе - 2019" бәйгесенең район этабы җиңүчеләрен бүләкләделәр. Безнең балалар бакчасында хезмәт куючы рус теле тәрбиячесе Сабирова Эльвира Рафис кызы лаеклы 1 урын иясе. Без аны әлеге зур җиңүе белән тагын бер кат котлыйбыз. Эшендә иҗади уңышлар телибез!
-
Янгын куркынычсызлыгы турында әңгәмә 21.02.2019

Балалар белән шөгыльләр һәм режим моментларында янгын куркынычсызлыгы турында әңгәмәләр оештырабыз. Янгын чыгу очрагы була калса, нинди номерга шалтыратырга кирәклеген аңлатабыз. Шушы темага кагылышлы ширмалар эшләп куелды. Янгын куркынычсызлыгы уенчык машиналары булдырылды. Шулай ук дидактик уеннар уйнатабыз. Уен вакытында нәрсә белән уйнарга ярамаганлыгын балалар үзләре рәсемгә карап аңлаталар. Төркемдә бу темага кагылышлы рольле – сюжетлы уенга да зур игътибар бирелә. Ата –аналар белән дә төрле конкурслар, әңгәмәләр оештырабыз.
-
"Ут - дус та, дошман да!" 20.02.2019

Бакчабызда "Янгын куркынычсызлыгы!" атналыгы кысаларында бик куп төрле чаралар уздырылды. Кечкенәләр төркеме ата-аналары да бу чаралардан читтә калмады. 1-2 яшьлек сабыйларга куркынычсызлык кагыйдәләрен өйрәтү, профилактик чара буларак "Ярамый" төшенчәсен аңлату максатыннан төркемебез ата-аналары белән "Ут - дус та, дошман да!" девизы астында тематик рәсем күргәзмәсе оештырдык.
-
"Янгыннар булмасын!" 19.02.2019

Без балаларга янгынның бик куркыныч икәнен һәрвакыт аңлатып, сөйләп, исләренә төшереп торабыз. Мәктәпкә әзерлек В төркеме балаларының “Янгын кайдан килеп чыга?” дигән сорауга җавапларын тыңлагач, янгын куркынычсызлыгы стенды янында сөйләшүне дәвам иттек. Стендтагы рәсемнәрдә кем нәрсә эшләгәнен, янгын сүндерү машинасы ни өчен кирәклеге турында сөйләштек. Әти-әнидән башка рөхсәтез шырпы, газ плитәсе, электр приборларына тияргә ярамаганын тагын бер тапкыр искә төшердек. Дөньялар имин бусын, янгыннар булмасын дигән теләктә төркемебезгә кайттык. Балалар белән “Янгыннар булмасын” дигән темага рәсем ясадык.








