«ЯЛКЫН» журналы редакциясе уздырган «Тукай вайбын тот!» иҗади бәйгесендә 3 нче сыйныф укучысы Əхмәтҗәнова Айзилә махсус бүләккә лаек булды (җитәкчесе - Манихова Эльвира Мияссәр кызы). Афәрин!

Бүген безнең мəктəп укучылары həм укытучылары татар телен таныту һәм телнең проблемаларына игътибарны арттыру өчен бик тə әһәмиятле булган "Татарча диктант ЯЗ" акциясендə катнаштылар. Əлеге чара татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан дөнья күлəмендə уздырыла.

Дөрес туклану - сәламәтлек нигезе. 8 сентябрь көнне ата-аналар комитеты вәкиле Саетгараева Айгөл Ильяс кызы укучыларның туклануын күзәтте. Айгөл Ильяс кызы үз фикерләрен журналга язып калдырды.

Юл хәрәкәте иминлеге Дәүләт бюджет учреждениесенең "Актаныш районы буенча профилактика җитәкчесе Лена Мөҗәят кызы "Балалар арасында юл-транспорт имгәнүләрен профилактикалау" исеме астында башлангыч сыйныф укучылары белән әңгәмә корды. Истәлек бүләкләре таратты.

Укучылар үзидарәсенең беренче утырышы «Мәгариф» илкүләм проектының «Заманча мәктәп» федераль проекты кысаларында «Үсеш ноктасы» үзәге итеп яңартылган кабинетның берсендә уздырылды. Биредә укучылар яңа уку елына максат, бурычлар билгеләделәр.

#Актаныш #ЯңаƏлемМәктәбе #НовоалимовскаяОО #ученическоесамоуправление

Кадерле укытучылар, укучылар, хөрмәтле әти-әниләр! Сезне Белем көне һәм яңа уку елы башлану белән чын күңелдән котлыйбыз! Быел мәктәбебездә 106 укучыга 15 укытучы белем һәм тәрбия бирәчәк. «Мәгариф» илкүләм проектының «Заманча мәктәп» федераль проекты кысаларында, бүгеннән мәктәбебездә «Үсеш ноктасы» үзәге эшли башлады. Әлеге проект ярдәмендә химия, биология һәм физика кабинетлары ремонтланды, бу кабинетларга лаборатор җиһазлар кайтарылды һәм 2 укытучы өстәмә белем бирү курсларында үзбелемнәрен күтәрде. Яңартылган материаль базаны укытучыларның тиешенчә куллануларын һәм укучыларның тырышып укуларын теләп калабыз!

Сегодня в нашей школе открылся центр образования естественно-научной и технологической направленностей «Точка роста». 

Цель создания таких центра — внедрение новых методов обучения и воспитания, а еще образовательных технологий. Деятельность центра будет направлена на обновление содержания и совершенствование методов обучения предметов «Физика», «Химия», «Биология». Два педагога повысили квалификацию по современным и актуальным программам дополнительного профессионального образования.

10 июнь көнне Яңа Әлем мәктәбендә оештырылган мәктәп яны лагерына балалар белән очрашуга юл хәрәкәте иминлеге дәүләт инспекциясе инспекторы Лена Фазлыева килде. Очрашу бик бай эчтәлекле: мавыктыргыч уеннардан, күңелле ярышлардан гөрләп торды. Балалар командаларга бүленеп юл йөрү кагыйдәләре буенча белемнәрен искә төшерделәр. Очрашуны йомгаклап, Лена Музаятовна балаларга истәлек бүләкләре тапшырды.

Яңа Әлем мәктәбе хезмәткәрләренең гомуми җыелышында барлык хезмәткәрләргә дә электрон профсоюз билетлары тапшырылды.

Мәктәп яны лагерының 8 нче көне кызыклы һәм мавыктыргыч чаралар белән үтеп китте. Иртәнге аштан соң лагерь отряд вожатыйлары һәм лагерьның физик тәрбия җитәкчесе Фатхиева Мария җитәкчелегендә "Башак" хуҗалыгының техника паркы, ремонтлау цехы һәм хуҗалыкның башка объектларында экскурсиядә булдылар. Соңыннан укучылар табигать кочагында күңелле спорт уеннары уйнап, ярышлы уеннарда катнашып, күтәренке кәеф белән төшке ашка кайттылар.

Бүген Актанышның үзәк стадионында Спорт мәктәбен тәмамлаучыларны бүләкләү тантанасы узды. Безнең мәктәптән чыгарылыш сыйныф укучылары Сиразова Динара, Зәкиева Диләрә һәм Фатихов Арсен да бу чарада катнашып, Актаныш районы балалар һәм яшүсмерләр спорт мәктәбе директоры Әнвәр Гафуров кулыннан Диплом һәм Рәхмәт хатлары алдылар! Аларны чын күңелдән котлыйбыз!