Агымдагы атнада мәктәптә 2 нче сыйныф укучылары сыйныф җитәкчесе Нургалиева Лениза Зәки кызы белән берлектә "Каз өмәсе" уздырдылар. Чара - татар халкының матур йоласы булган бу бәйрәмне күзалларлык күңелле итеп оештырылды. Катнашучы укучылар үз рольләрен бик оста башкарып чыктылар.

Район күлəмендə уздырылган "Татар егете, Татар кызы - 2021" бəйгесендə безнең мəктəптəн дə укучылар катнашты. Локманов Илвир (6 кл.) - 2 урын, Муллахметова Əминə (2 кл.) - 3 урын, Əхмәтова Румия (6 кл.) - "Иң уңган Татар кызы" номинациясендə җиңү яуладылар. Афәрин! Укучыларны бəйгегə Айсылу Илдус кызы, Лилия Əхнəф кызы əзерлəделəр.

10-11 декабрь көннәрендә, мәктәбебезнең "Үсеш ноктасы" үзәгендә "Талантлар университеты 2.0" @universitettalantov2.0 белән хезмәттәшлек кысаларында, укучылар командасы (Шәрипов Айгиз һәм Азамат, Минахметов Айрат, Муллахметов Əмир һәм Галеев Раяз) информатика укытучысы Илназ Илшат улы җитәкчелегендә zoom аша 2 көнлек хакатонда катнашып, республика мәктәпләреннән җыелган 23 команда арасында "Куркынычсыз интернет" буенча көч сынашты.

"Ришвәтчелеккә каршы көрәш" республика конкурсының муниципаль этабында Миннахметов Алмир "Хокук сагында" номинациясендә 2 урын яулады. Җитәкчесе: Шакирова Айсылу Илдус кызы. Котлыйбыз!

8-9 сыйныф укучылары, Пушкин картасын кулланып, "Әлфия Авзалова" исемендәге Актаныш районы мәдәният йортында Фатих Әмирханның "Тигезсезләр" драмасын карадылар. Тирән эчтәлекле, уйландыра торган әсәр укучыларга ошады. @aktanysh_rdk артистларына зур рәхмәт!
#Актаныш #ЯңаƏлемМәктәбе #НовоалимовскаяООШ

1 нче декабрь көнне мəктəбебезнең 8-9 нчы сыйныф укучылары "Пушкин картасы"н кулланып Актанышның "Туган якны өйрəнү" музеена @muzei_aktanysh экскурсиягə бардылар. Укучылар музей хезмəткəрлəре тарафыннан əзерлəнгəн "Археологик казылмалар" программасы белəн таныштылар. Чара 2 команда арасында пазл җыю ярышы белəн тəмамланды. Ахырдан укучыларга истəлек бүлəклəре тапшырылды.

Иң-иң сабыр, иң-иң тыйнак
Иң ягымлы кешеләр.
Иң сөйкемле, мәрхәмәтле
Алар безнең әниләр!

22-26 ноябрь көннәрендә мәктәбебездә башлангыч сыйныфлар атналыгы уздырылды. Атналыкның планы нигезендә, 22 ноябрь көнне укучылар арасында "Беренче кар" исемле рәсем бәйгесе, 23 ноябрь көнне «Əниемнең җылы куллары» темасына инша язу бәйгесе оештырылды. 24 нче ноябрь көнне нәфис сүз сөйләү бәйгесе үткәрелде. Бәйгедә катнашучылар арасыннан иң-иң осталары сайлап алынды, урыннар чыгарылды, грамоталар тапшырылды. 25 ноябрь көнне 1 нче класста уку, 2 нче класста математика, 3 нче класста әйләнә-тирә, 4 нче класста туган (татар) теленнән ачык дәресләр үткәрелде.

Укытучылар көненә багышлап районда уздырылган "Сез иң гүзәл кеше икәнсез" иншалар конкурсында 8 нче сыйныф укучысы Муллахметова Лилия 2 урынны яулады. Җитәкчесе: Айсылу Илдус кызы. Афәрин!

Бөтендөнья юл-транспорт һәлакәте корбаннарын искә алу көне алдыннан (21 ноябрь), укучыларыбыз «Хәтер фәрештәсе» акциясенә кушылдылар.