24 февраль көнне гимназия базасында районның башлангыч сыйныф укытучыларының "Мастер-класс" һөнәри бәйгесе булып узды. Бәйгедә безнең мәктәптән башлангыч сыйныфлар укытучысы Марданова Фәния Дөфәк кызы катнашып, 3 урынга ия булды. Коллегабызны уңышы белән чын куңелдән котлыйбыз, яңа уңышларга ирешүен теләп калабыз.

6 сыйныф укучысы Исламхуҗин Айназ, районда уздырылган "XXI гасыр Кулибиннары" яшь уйлап табучылар республика олимпиадасының муниципаль этабында, үзе эшләгән кондиционерны тәкъдим итеп, проект яклап кайтты. Айназга киләчәктә дә иҗади уңышлар телибез!

Бүген мәктәптә "Туган телем - иркә гөлем!" дип исемләнгән нәфис сүз бәйгесе үтте. Укучылар Резеда Вәлиева, Наҗар Нәҗми, Муса Җәлил, Галимҗан Гыйльман, Роберт Миңнуллин шигырьләрен сәнгатьле итеп укыдылар.

Сыйныф җитәкчеләренә, укучыларның мәктәп ашханәсендә тукланулары өчен түләгәндә "Аксиома" программасын куллану аңлатылды. 1 марттан ашханәдә туклану өчен түләү әлеге программа аша башкарылачак.

Хәрби-патриотик айлык кысаларында, мәктәптә уздырылган рәсем конкурсында катнашып, 8 нче сыйныф укучысы Сеньгина Аделина грамота белән бүләкләнде.

Хәрби-патриотик айлык кысаларында, 5-9 сыйныфта укучы малайлар арасында "Ягез әле егетләр!" дип аталган ярыш уздырылды. Əлеге бәйгедә укучылар 10нан артык ярыш төрендә үзләренең көчләрен сынадылар.

21 февраль - Халыкара туган тел көне уңаеннан, мәктәптә "Теле барның - иле бар" исеме астында музыкаль-әдәби кичә узды. Укучылар шигырьләр укыдылар, көч сынаштылар. Кичә "Туган тел" җыры белән тәмамланды. Әдәби кичәне татар теле һәм әдәбияты укытучылары Айсылу Илдус кызы Шакирова һәм Лилия Əхнәф кызы Сәлимҗанова оештырдылар.

Халыкара туган тел көненә багышланган дәрестән тыш чарада "Тапкырлар" һәм "Зирәкләр" командалары көч сынашты. Тизәйткечләр әйттеләр, сорауларга җавап бирделәр, биремнәр чиштеләр."Тапкырлар" командасы җиңү яулады.

3 нче сыйныф укучылары белән берлектә, авыл китапханәчесе Римма Риф кызы Имамова  "Туган телем - иркә гөлем" исеме астында аралашу сәгате уздырды.

Хәрби-патриотик айлык кысаларында, башлангыч сыйныфта укучы малайлар арасында "Ягез әле егетләр!" дип аталган дәрестән тыш чара уздырылды. Ярышны физик культура укытучысы Миннәхмәт Зөлкирам улы Мухаметов һәм тормыш иминлеге нигезләре фәне укытучысы Рафаэль Нәүфәл улы Фатхулов оештырдылар.