21еннэн 25нче мартка кадәр Казанда «Ел укытучысы» Бөтенроссия конкурсының республика этабы узды. Конкурс «Ел укытучысы», «Педагогик дебют», «ОБЖ укытучысы», «Татар теле һәм әдәбияты укытучысы», «Мәктәпкәчә белем бирү учреждениесе тәрбиячесе» номинацияләре буенча үтте. Укытучылар күрсәтмә дәресләр һәм сыйныф сәгатьләре үткәрделәр, методик семинарда катнаштылар, мастер-класслар оештырдылар, йомгаклау сынавы үттеләр – матбугат конференциясендә жюри әгъзаларының сорауларына җавап бирделәр. «Татар теле һәм әдәбияты укытучысы» номинациясендә Яңа Əлем мәктәбе укытучысы Сəлимҗанова Лилия Əхнəф кызы лауреат дип табылды.

25 март көнне мәктәптә полиция вәкиле Хуснуллин Зәлиф Зөлфәт улы 5-9 класс укучылары белән профилактик әңгәмә уздырды. Укучылар үзләрен кызыксындырган сорауларга җаваплар алдылар.

УРОК ЦИФРЫ - всероссийский образовательный проект в сфере информационных технологий. Это возможность получить знания от ведущих технологических компаний: Яндекса, «Лаборатории Касперского», Фирмы «1С», госкорпорации Росатом и VK, а также Академии искусственного интеллекта для школьников благотворительного фонда Сбера «Вклад в будущее». Сегодня учителя начальных классов провели уроки цифры в 1-4 классах.

Мәктәбебез базасында эшләп килүче балалар сәнгать мәктәбенең филиалында шөгыльләнүче укучыларыбыз - баянчыларыбыз, бүген балалар бакчасында кунакта булып, кечкенәләрне баянда күңелле көйләр уйнап сөендерделәр.

Бүген авылыбызда мәктәп укучылары һәм укытучылары, мәдәният хезмәткәрләре, балалар бакчасында тәрбияләнүчеләр белән берлектә Нәүрүз бәйрәмен каршыладык!

Авылдашыбыз, шагыйрь, Татарстан Республикасының атказанган мәдәният хезмәткәре, заманында «Агыйдел дулкыннары» әдәби берләшмәсен җитәкләгән Хәмит ага Миңнегалиевка быел 25 март көнне 92 яшь тулган булыр иде. Шагыйрьне искә алып, мәктәбебездә аның иҗат кичәсен уздырдык. Укучыларны Хәмит абыйның тормыш юлы белән таныштырдык, шигырь җыентыкларын, китапларын күргәзмәгә куйдык. Укучылар сәхнәгә менеп аның шигырьләрен сөйләделәр. Чара бик күңелле узды.

14 март көнне район күләмендә үткәрелгән «Мин мастер» конкурсында мәктәбебезнең 6 нчы сыйныф укучысы Хәмидуллина Ландыш үз осталыгын күрсәтте. Бәйгедә барлык кызлар да билгеләнгән размер буенча сумка тектеләр. Ландышның остазы Гөлшат Равил кызы.

Бүген мәктәбебезнең 8-9 сыйныф укучылары Актаныш технология техникумына экскурсиягә бардылар. Биредә алар ресурс үзәгенең эшчәнлеге белән таныштылар.

14 нче март көнне, Богады мәктәбе базасында, башлангыч сыйныф укучылары арасында эзләнүле проект эшен яклау зона бәйгесе уздырылды. Мәктәбебез данын якларга 3 сыйныф укучысы Мирзасалихов Гомәр барды һәм 1 нче урынны яулады. Эзләнүле проект эшенең темасы - "Экологик иминлек". Гомәрне һәм укытучысы Эльвира Мияссәр кызын җиңүләре белән котлыйбыз!

Хәерле сәгатьтә кадерле ата-аналар, укучылар, укытучылар һәм безнең мәктәп яңалыклары белән танышып баручылар! Инстаграм социаль челтәрен куллану илебездә тыелу сәбәпле, без телеграммда мәктәбебезнең каналын булдырдык. Рәхим итеп кулланыгыз, каналыбызга язылырга онытмагыз: https://t.me/school_novoe_alimovo.