Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе
Визитная карточка
| Адрес: | 423762, Республика Татарстан, Актанышский район, с.Новое Алимово, ул.Г.Тукая, д.54 |
| Телефон: | 8(85552)6-09-11; 8-927-491-23-05 |
| E-Mail: | Novoalimovskaya.Shko@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Новоалимовская ООШ" |
| Руководитель: | Ахметов Рамзиль Хузагалиевич |
| Год основания учреждения: | 1976 |
| У нас учатся: | 98 учащихся |
| У нас учат: | 13 педагогов |
Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе - новости
Страницы: << 31 32 ( 33 ) 34 35 36 37 38 39 40 >>
-
Татар халкының йолаларын искә төшерү 30.04.2022

Татар халкының борынгы йолаларын искә төшереп, бүген балалар карга боткасына йомыркалар, кәнфитләр, ярмалар җыйганнар.
-
Мәктәбебезнең 2018 елгы чыгарылыш укучылары кибертурнирда җиңү яулаганнар 29.04.2022

"Яшьлек" яшьләр узәгендә 1 апрельдә башланып бер ай буе дәвам иткән киберспорт буенча <CS:GO> турниры тәмамланды. Актанышта бу спорт төре уены беренче тапкыр утте. Киберспорт турнирында бу бер айда 3 кешедән торган 15 кә якын яшьләр командасы катнашты. Финалга 3 команда чыкты. Катнашучыларга стратегик фикерләү һәм реакция тизлеген күрсәтү генә түгел, команда эшен дә күрсәтергә туры килде. Уен нәтиҗәләре буенча беренче турнирның чемпионнары булып Яңа Әлем авылының "Аlim” командасы, 2 нче урында Актанышның "Завоеватели» , 3 нче дә шулай ук Актаныштан "Fauzer" командалары танылды.
-
26 апрель - татар халкының бөек шагыйре Габдулла Тукайның туган көне 26.04.2022

26 апрель - татар халкының бөек шагыйре Габдулла Тукайның туган көне. Шул уңайдан, мәктәптә "И туган тел, и матур тел!" исеме астында шигырь бәйгесе узды. Шагыйрьнең китапларыннан күргәзмә оештырылды. Укучылар Тукай әсәрләренә рәсемнәр ясадылар.
-
Россия Федерациясе һәм Татарстан Республикасы флагларын күтәрү тантанасы узды 25.04.2022

Бүген мәктәбебездә истәлекле көн - Россия Федерациясе һәм Татарстан Республикасы флагларын күтәрү тантанасы узды. Бу җитди вакыйга, ул илебезгә мәхәббәт, патриотизм тәрбияли. Атналык линейка гимннар тыңлаудан һәм әләмнәр турында кыскача белешмә тыңлаудан башланды. Дәүләт флагы һәм гимны безгә тагын бер тапкыр дус, тату булып яшәгәнебезне искә төшерергә мөмкинлек бирә. Бүгенге мәктәп укучылары, сез илебез тарихын язачаксыз, үткәнне, бүгенгене сакламыйча, киләчәк турында сөйләп булмый.
-
Язгы өмә 23.04.2022

23 апрель көне Актаныш районында санитар чисталыкны тәэмин итү максатыннан зур өмә үткәрелде. Язгы өмә барышында мәктәбебездә эшләүче барлык хезмәткәрләр, укытучылар һәм укучылар үзләренә беркетелгән участокларны чистартып, тәртипкә китерделәр.
Мәктәбебез территориясен матурлау өчен барыбыз да үз өлешен кертергә тиеш! Мәктәбебез балкып торсын!
-
“Куркынычсыз көпчәк” конкурсының район этабы уздырылды 21.04.2022

Районның яшь юл хәрәкәте инспекторлары юл йөрү кагыйдәләрен һәм велосипед белән идарә итү күнекмәләрен белүләрен “Куркынычсыз көпчәк” конкурсының район этабында күрсәттеләр. Конкурс ЮХИДИ бүлеге һәм район мәгариф идарәсе тарафыннан уздырылды. Әлеге ярышта мәктәбебезнең 4нче сыйныф укучылары көчләрен сынады.
-
Мәктәп яны бакчасындагы эшчәнлек буенча тәҗрибә уртаклашу 21.04.2022

Бүген, 1нче Актаныш урта гомуми белем бирү мәктәбендә биология, химия, география укытучыларының hәм бакча җитәкчеләренең “Белем бирү учрежденияләренең укыту-тәҗрибә участокларында тәҗрибә эшчәнлеге” дигән тема астында киңәшмә үтте. Киңәшмәдә мәктәп яны бакчасында һәм укыту-тәҗрибә участогында җитәкчелек итүче биология укытучы Гильфанов Фидус Нәрфис улы да үз эшчәнлегендәге тәҗрибәсе белән уртаклашты.
-
Укучыларның ашханәдә туклануларын күзәтү 19.04.2022

Бүген 7 сыйныф укучысы Мөхәмәдиев Илназның әнисе Ганиева Гөлнара апа ашханәдә туклану торышын күзәткән. Меню белән танышкан, журналга фикерләрен язып калдырган.
-
Бөек Ватан сугышы елларында Совет халкының геноциды истәлегенә Бердәм гамәлләр көне уңаеннан дәрестән тыш чара уздырылды 19.04.2022

Бөек Ватан сугышы елларында Совет халкының геноциды истәлегенә Бердәм гамәлләр көнендә уза торган махсус чараларның төп максаты - тарихи дөреслекне саклап калу! Əлеге уңайдан, җәмгыять белеме укытучысы Динара Айдар кызы югары сыйныф укучылары өчен дәрестән тыш чара уздырды.
-
Химия фәненнән ачык дәрес үткәрелде 19.04.2022

19 апрель көнне 8нче сыйныфта химиядән “Неорганик кушылмаларның аеруча әһәмиятле класслары турындагы мәгълүматларны гомумиләштерү” дигән темага ачык дәрес булды. Дәрес ФДББС таләпләренә туры китереп үткәрелде. Укучылар дәрестә “Металлар” һәм “Неметаллар” төркемнәренә бүленеп эшләделәр. Дәрестә төрле кызыклы тәҗрибәләр, викторина сораулары, тест биремнәре, химик табышмаклар һәм башкалар кулланылды. Белемнәрне ныгыту һәм гомумиләштерү дәресендә укучылар химия фәненнән күп кенә мәгълүматлар, яңалыклар алдылар. Дәресне югары квалификация категорияле химия укытучысы Гыйльфанов Фидус Нәрфис улы үткәрде.



