8 нче апрель көнне мәктәптә "Тотальный диктант" акциясе узды. Бу акциядә укучылар да, укытучылар да актив катнашты.

8 апреля в нашей школе прошла акция "Тотальный диктант". В этой акции активное участие приняли как ученики, так и учителя.

12 апрель - космонавтика көне! "Мөһим темага сөйләшү" класс сәгатьләрендә укучылар шул хакта сөйләштеләр. 1961 елның 12 апрелендә Юрий Гагарин "Восток" корабында җир шарын 1 тапкыр урап чыга. Ул космоста 108 минут була. Ул Смоленск өлкәсенең Гжатск районы Клушино авылында 1934 елның 9 мартында дөньяга килә.

2023 ел Россия Федерациясендә Педагог һәм остаз елы итеп билгеләнде. Мөгаллимнәрне хөрмәтләү, аларның авыр, җаваплы хезмәтләрен бәяләү буенча төрле чаралар оештырылып тора. Укытучыларыбызга әсбап-ноутбуклар тапшырылды. Уку-укыту эшен нәтиҗәлерәк итү өчен мөгаллимнәребезгә ярдәм булачак.

5-7 апрель көннәрендә «Kazan Expo» Халыкара күргәзмәләр үзәгендә Энергетика һәм энергия нәтиҗәлелеге буенча Татарстан халыкара форумы – ТЭФ уздырылды. 7 апрель көнне әлеге форумда «Без энергия нәтиҗәлелеген сайлыйбыз» («Мы выбираем энергоэффективность») республика яшьләр инициативалары конкурсында җиңүчеләрне бүләкләү тантанасында, конкурсның җиңүчесе - Яңа Әлем мәктәбе базасындагы “Үсеш ноктасы” үзәгендә шөгыльләнүче 9 нчы сыйныф укучысы Биляков Илнар диплом һәм планшет белән бүләкләнде. Фәнни җитәкчесе Илназ Илшат улы Шәрипов.

"Укытучылар һәм остазлар елы" уңаеннан "Китап күргәзмәсе" акциясенә безнең мәктәп укытучылары да кушылды. Күргәзмәдә укытучыларның иҗатлары, "Мәгариф" журналында басылган эш тәҗрибәләре, портфолиолары урын алды. Шулай ук педагог-мәгърифәтче Ризаэтдин Фәхретдинның да китаплары тәкъдим ителде.

Бөтенроссия акциясе кысаларында мәктәбебезнең "Үсеш ноктасы" үзәгендә "Наркотикларга-юк!" дип аталган профилактик чара оештырылды. Укучылар видео карап, фикер алыштылар.

25 нче март көнне технология укытучысы Айнур Хәниф улы җитәкчелегендә 5 нче һәм 7 нче сыйныф укучылары мәктәп бакчасындагы агачларга сыерчык оялары элделәр. Туган якларына кайткан канатлы дусларыбызны укучылар яңа оялар ясап каршы алалар.

Барлык кешеләрне дә «Җир сәгате» Бөтенроссия экоакциясендә катнашырга чакырабыз. Моны сезнең һәрберегез эшли ала. Һәрбер кеше Җир планетасының экологик куркынычсызлыгына бик җитди өлеш кертә ала, моның өчен җирле вакыт белән 20:30 сәгатьтән бер сәгатькә утны һәм электр приборларын сүндерергә кирәк була.

23 март көнне мәктәптә "Гаиләдәге рухи атмосфера" исеме астында гомуми ата-аналар җыелышы узды. Җыелышта Актаныш районы буенча Россия эчке эшләр министрлыгының участок полиция вәкилләре һәм балигъ булмаганнар эшләре буенча бүлек җитәкчесе, полиция подполковнигы Кутлияров Салават Музагитович, Яңа Әлем авыл җирлеге башлыгы Марат Мирзаһидан улы Исламов, Актаныш технология техникумының тәрбия эшләре буенча директор урынбасары Фатихова Нәркизә Галимҗан кызы, психолог Хафизова Зөлфия Мазгар кызының чыгышлары тыңланды. Укыту-тәрбия эшләре буенча директор урынбасары Зөлфия Вил кызы lll чирек нәтиҗәләре белән таныштырды, алга бурычлар куелды. Класс җитәкчесе Сәлимҗанова Лилия Әхнәф кызы "Ата-аналар балалары өчен җаваплы" исеме астында чыгыш ясады. Җыелыш классларда сөйләшү белән тәмамланды.

Бүген Яңа Әлем мәктәбенең "Үсеш ноктасы" үзәгендә "Смартфонда нәрсә яшеренгән: мобиль куркынычлыкларны тикшерәбез" дигән темага 7 нче һәм 9 нчы сыйныф укучылары өчен цифрлаштыру дәресе узды. Әлеге дәресне Актаныш муниципаль районы Башкарма комитет җитәкчесенең икътисад буенча урынбасары Сираева Лиана Рамиль кызы һәм Яңа Әлем мәктәбенең физика-информатика укытучысы Шәрипов Илназ Илшат улы уздырдылар. Дәрестә мобиль җайланмалар өчен булган куркынычлык төрләре, интернет аша һөҗүм итүчеләрнең шәхси мәгълүматларны һәм банк счетларын урлаудан ничек сакланырга кирәклеге, мисаллар китереп җентекләп аңлатылды.  Укучылар онлайн тренажерда эшләгәннән соң, чараны йомгаклап, викторинада катнашып белемнәрен сынадылар.