26 апрель - татар дөньясы өчен истәлекле дата, бөек шагыйребез Габдулла Тукайның туган көне. Ул татар шигъриятенең иң якты йолдызы, милләтебезнең йөзек кашы.Шагыйрь калдырган иҗат мирасы - безнең мактанычыбыз һәм горурлыгыбыз. Тукае булган халык бәхетле. Габдулла Тукай туган көн - Туган тел көне ул. Тукай айлыгы кысаларында, укучылар мәктәптә уздырылган конкурсларда катнаштылар, шагыйрь әсәрләренә рәсемнәр ясадылар, шигырьләрен укыдылар.

Мәктәбебездә ел саен макулатура җыю оештырыла. Бу экологик акциядә 6 нчы сыйныф укучылары бик теләп катнашалар.

Бүген мәктәбебезнең "Үсеш ноктасы" үзәгендә 7-8 сыйныф укучылары белән полиция вәкилләре очрашты. Алар Алабуга шәһәрендә урнашкан Суворов училищесы белән таныштырдылар. Уку йортының тормышы турында сөйләделәр. Теләгән укучыларны укырга чакырдылар.

#профориентация #укуйорты #һөнәр

Мәктәбебезнең 2 нче сыйныф укучылары Хуҗина Ралина, Мирзаһитова Әминә республика конкурсының район этабында уздырылган экология буенча рәсем конкурсында катнашалар. Аларга уңышлар телибез.

Райондашыбыз Илсур Зәкиев үз теләге белән хәрби хәрәкәткә мобилизацияләнгән батыр егетләрнең берсе. Хәзерге вакытта аның әнисе Галия апа ялгызы гына гомер кичерә. Илсур хәрби операциягә киткәнче "Башак" хуҗалыгында ветеринария табибы булып эшли. Аның СВОдагы хезмәте турында гел яхшы хәбәрләр генә килеп тора. Шушы көннәрдә генә утлы нокталардан ялга кайткан егетләр взвод командиры Илсур Зәкиевның ротада бик зур абруйда икәнен сөйләделәр. Вакытында Чечня сугышында катнашкан Илсурның тәҗрибәсе дә, осталыгы да җитәрлек. Ул Актаныштан килгән егетләргә генә түгел, башка солдатларга да рухи терәк һәм киңәшче, ышанычлы дус. Шундый батыр йөрәкле ул тәрбияләп үстергән Галия апа үзе дә олы хөрмәткә лаек. "Мондый аналарга ярдәм итү балаларга олы савап, бигрәк тә изге Рамазан аенда", ди сигезенчеләрнең сыйныф җитәкчесе Фидания Якупова. Язманы тулысынча "Актаныш-информ" сайтында укыгыз.

Укучыларыбыз, чисталык айлыгы кысаларында, һәйкәл алдын чистартып, матурлап куйдылар.

Яңа Әлем төп гомуми белем бирү мәктәбе укучылары һәрдаим ялгыз әби-бабайларның хәлләрен белеп, ярдәм итәләр. Су кертү, чуп түгү, утын ташу кебек эшләр башкаралар.

2023 ел - Россиядә укытучылар һәм остазлар елы уңаеннан, мәктәптә укучыларыбыз "Рәхмәт сиңа, Укытучым!" исеме астында бәйрәм кичәсе уздырдылар. Хөрмәтле укытучыларыбыз укучылар әзерләгән төрле уеннарда катнаштылар, күңелле ял иттеләр. Кичә укучыларның концерт номерлары белән үрелеп барды. #укытучыһәмостазелы

С 3 по 16 апреля в Республиканском центре выявления и поддержки одаренных детей и молодежи в Республике Татарстан состоялась профильная программа по математике «Математика 6++». В рамках сетевого взаимодействия с Университетом талантов, двое учащихся нашей школы - ученики 5 и 7 класса, призеры муниципального этапа Всероссийской олимпиады по математике, обучались на данной профильной программе.

Мәктәп китапханәсенә яңа китаплар кайтты. Алар арасында ветеран укытучы Вәзилә Чинаеваның "Гөлләр калды күңелдә" исемле китабы да бар.