Алтын көзгә кердек. 2 нче кечкенәләр төркеме балалары көзне сурәтләргә  төшердлеләр.

Бүген бакчабызда көзге ярминкә узды. Ярминкәне оештыруда әти-әниләребез зур ярдәм күрсәттеләр. Ярдәмгә шулай ук  мәдәният хезмәткәрләре дә килде. Күз явын алырлык матурлык,көзге муллыктан сыгылып торган өстәлләрр, бакча хезмәткәрләре һәм әти-әниләр кулы белән эшләнгән кул эшләре, бакча ризыклары белән тулы иде. Күңелле көзге бәйрәмне уздыруда ярдәм иткән һәркемгә чиксез зур рәхмәтләребезне җиткерәбез. 

Бүген бакчабызда ата-аналарның гомуми җыелышы узды. Көн тәртибендә коллектив һәм яңа ата-аналар белән якыннан танышу, яңа уку елына планнар, ата-аналар комитетын сайлау һ.б.лар иде.

Бүгеннән бакчабызда 3 төркем дә тулы көченә эшли башлады. Бакчабызга бүген беренче тапкыр 4 нәнине кабул итеп алдык. Хезмәттәшләргә һәм балаларга уңышлы уку еллары телибез!

Җәйге чорда бакчабызда төрле яклап эшчәнлекләр алып барыла. Нәниләребезне тәрбияләү белән беррәттән бакчабызның матурлыгы да бик мөһим. 

Бүген бакчабызда "Хушбакчам!" исеме астында бәйрәм узды. Мәктәпкә әзерлек төркеменә йөрүче 4 нәниебезнемәктәпкә озаттык. Хәерле, имин юллар булсын!

 Быел да без төркемнәребездә "Җиңү тәрәзәләре" акциясенә кушылдык.Күкләребез аяз,җиребез тыныч булсын.

Халкыбызның иң популяр, иң күңелле язгы бәйрәмнәренең берсе - һичшиксез, карга боткасыдыр. Борын-борын заманда кешеләр нилектән яз булганын белмәгәннәр. Алар ямьле язны җылы яктан кара каргалар алып килә икән, дип уйлаганнар. Шуның өчен карлар эреп сулар ага башлагач, гөрләвекләргә таба, яңаруга-яшәрүгә йөз боргач, каргалар килү хөрмәтенә бәйрәм ясый торган булганнар. Аны “Карга боткасы” дип атаганнар. Киров урта мәктәбендә мәдәният хезмәткәрләре белән берлектә  Карга боткасы бәйрәме үткәрелде. Бәйрәм төрле уеннар, җырлар белән үрелеп барылды.Тәмле ботка белән сыйландык. Бәйрәм бик күңелле үтте. Оештыручыларга бик зур рәхмәт.

30 апрель көнне Киров урта мәктәбе йөгерү сезонын ачып җибәрде. Йөгерештә барлык укучылар да катнашты.1.2,3 урынга ия булган  укучылар мәктәп дирекциясенең грамотасына ия булдылар.

Район күләмендә үткәрелгән «Замечательный вожатый» бәйгесендә Киров урта мәктәбенең 8 нчы сыйныф укучысы Галямов Камил 3‑нче урынга ия булды!
Камилне һәм аны әзерләгән Йолдыз Загидулловнаны уңышлары белән чын күңелдән котлыйбыз һәм киләчәктә дә югары нәтиҗәләр көтеп калабыз!