15. 12. 2014 - 20.12.2014 кадәр мәктәбебездә "Башлангыч класслар атналыгы" дип игълан ителде. Бүген атналыкны ачу тантанасы булды һәм план белән таныштырылды.

11 нче декабрь көнне 8 нче класс укучылары (Кл. җитәкчесе  Рашитова И. С) Әнәк авылында урнашкан МЧСка экскурсиягә бардылар. Аларны авылдашыбыз Талипов Радик һәм анда эшләүчеләр бик җылы каршыладылар. Янгын куркынычсызлыгы кагыйдәләрен аңлаттылар. Теләгән укучыларга 9 нчы класстан соң Тәтештә 3 ел 10 ай укып МЧС хезмәткәре булырга мөмкинленен әйттеләр. Укучылар бик канәгать калдылар. 

12 декабрь көнне математика атналыгы кысаларында  8 - 11 класслар арасында "Кызыклы математика" исемле уен - ярыш үткәрелде. Әлеге ярышта укучылар 3 командага бүленеп көч сынаштылар. 1 урынны  - 8 класс, 2 урынны  - 9 класс, 3 урынны  - 10, 11 классларның җыелма командалары яуладылар.  Ярышны математика укытучысы Имамова Р. Х. әзерләде һәм алып барды. 

Бүген 1 - 4 класс укучыларының әти - әниләре мәктәп каршысына кар сыннары ясый башладылар. 

9, 10 декабрьдә районда физкультурадан олимпиада үткәрелде. Безнең мәктәптән 8 нче класс укучысы 1 урынга лаек булды. Укытучысы Туктаров Б. Р. Аларны уңышлары белән котлыйбыз! Афәрин!

9 декабрь көнне математика атналыгы кысаларында  5 - 11 класслар арасында мәсьәләләр чишү ярышы үткәрелде. Монда һәр класстан да теләгән укучылар катнашты. Мәктәбебездә иң яхшы мәсьәлә чишүчеләр дип Аюпова З - 10 кл, Башаров А. - 9 кл укучылары табылды. Мәсьәләләрне математика укытучысы Р. Х.Имамова төзеде.

10 декабрь көнне математика атналыгы уңаеннан 5 - 7 класслар арасында "Математик ралли" уен-ярыш үткәрелде. Әлеге ярышта укучылар 3 командага бүленеп көч сынашты: "Тапкырлар", "Җитезләр", "Тамчылар". 1 нче урынга "Тапкылпр" командасы ия булды. Кичәне математика укытучысы Г. Н. Якиева әзерләде.

9 нчы декабрь – илебез тарихында әле яңа бәйрәм,  аны  дүртенче  ел гына билгеләп үтәләр. Бу көнне  Советлар Союзы Геройларын, Россия Федерациясе Геройларын, Изге Георгий һәм Дан ордены кавалерларын хөрмәтлибез. Шул уңайдан безнең мәктәптә дә һәр класста "9 декабрь - Ватан геройлары көне"нә багышланган класс сәгатьләре үткәрелде. 

С 4 по 12 декабря проводится акция «Час кода в России».В 1-4 классах сегодня были проведены классные часы на тему "Час кода".

9 декабрь көнне 8 - 11 класслар арасында Ватан Геройлары көненә багышланган турнир үткәрелде. Әлеге турнирда егетләр 3 командага бүленеп көч сынашты һәм 1 урынны - 9 класс егетләре, 2 урынны - 10, 11 класс егетләре, 3 урынны - 8 класс егетләре яуладылар. Турнир мавыктыргыч һәм күңелле булды. (Җаваплы укытучы: Шайхулмарданов Ә. В)