26 октябрь көнне гимназиябез укучылары Гыйлаев Айнур, Вәлиева Мәдинә, Харисов Рүзәл (укытучы Саматова Адилә) "Qazan Quiz" республика интеллектуаль уенында катнаштылар.
Чара иртән ТР Милли китапханәсендә башланды. Катнашучылар өчен экскурсия уздырылды, китапханәнең мөмкинлекләре аңлатылды. Аннары конференц-залда "Акыл фабрикасы" лекорие узды.
Укучыларны ТР Яшьләр эшләре министры Тимур Җәүдәт улы Сөләйманов сәламләде. Ивент-менеджер, ясалма интеллект буенча проектлар җитәкчесе Тимерхан Шәйхетдинов, "Zamanalif Wear" заманча кием проекты җитәкчесе Алия Минһаҗева, каллиграф Айзат Минһаҗев, "Ачык университет" сайты координаторы Райнур Хәсәнов, "Татар китабы йорты" директоры Айдар Шәйхин чыгыш ясадылар.
Чараның икенче өлеше IT-паркта үтте. Квиз уенны оештыручылар катлаулы һәм кызыклы биремнәр әзерләгәннәр. Татарлар арасында танылган шәхесләр, республика районнары исемнәре һәм Казанның истәлекле урыннары турында, шулай ук татар телен белү буенча да сораулар булды.

4А сыйныф укучылары гимназиябездәге китапханәдә экскурсиядә булды. Укучыларыбыз яңа китаплар белән таныштылар. "Китап дөньясына сәяхәт" дигән темага китапханә дәресендә катнаштылар. Укучыларыбызда китапка карата мәхәббәт һәм сакчыл караш тагын да ныгыды.

26 нчы октябрь көнне гимназиябездә "Укучыларның уку-танып белү компетенциясен үстерү нигезе буларак функциональ грамоталылыкны формалаштыру" төбәкара семинары үтте. Семинар гимназиябез буенча экскурсия белән башланып китте. Проектлар күргәзмәсе, ачык дәресләр, мастер-класслар, башлангыч класс, биология, химия, тарих, математика укытучылары өчен секцияләр үткәрелде.

Пленар өлештә Татарстан Республикасы Мәгариф һәм фән министрлыгының гомуми белем бирү идарәсе башлыгы Алексеева Татьяна Георгиевна, районыбыз башлыгы Зарипов Ленар Рафак улы сәламлау сүзләрен әттеләр. Татарстан Республикасы фәнни-эксперт советының сәләтле балалар белән эшләү буенча «Талант һәм уңыш» программалары рәистәше Мустафина Фәйрүзә Зөфәр кызы "Функциональ грамоталылык-педагог үсешенең яңа ресурсы" темасына чыгыш ясады. Укытучылар, укучылар чыгышлары тыңланды.

Гимназиябезнең "Милли җәүһәрләр" театр коллективы Миләүшә Аграпованың "Соңгы хат" драмасын сәхнәләштерде. Спектакльне сәхнәгә 7А сыйныфы укучылары куйды.

Атналык дүшәмбе линейкасы дәүләт флагларын күтәрү белән башланып китте.

Бүген – 24 октябрь көнне, гимназиябездә "Разговоры о важном – Мөһим темага сөйләшү" сыйныф дәресләре "Россия - Атом тармагының дөнья лидеры" темасына багышланды.
Әлеге фотода 6Г сыйныфы укучылары класс җитәкчесе Ләйлә Рафак кызы Минһаҗева белән дәрес вакытында.

Гимназиябезнең 11 сыйныф укучысы Динислам Нурлыев, 10 сыйныф укучысы Раян Галиәхмәтов "Сайлаучылар хокуклары" Бөтенроссия олимпиадасының төбәкара этабы призерлары булды.
Укытучылары Миләүшә Мәгьсүм кызы Абдуллина.
Призер укучыларыбызны бүген атналык линейкада директорыбыз Венера Хәмәтнәсыйх кызы Хәева тәбрикләде. Олимпиада хәрәкәтендә катнашучы барлык укучыларга да уңышлар теләде ул.

Гимназиябездә тарих һәм җәмгыять белеме атналыгы кысаларында "Татарстанның атаклы дәүләт эшлеклеләренең тарихи портретлары" бәйгесе башланды. Укучыларыбызның иҗади фантазиясе таң калдыра.

Гимназия коллективы, укучылар районкүләм өмәгә кушылды. Гимназиябез янбакчасында, "Бүләк" аланында коелган яфракларны җыйдык, чәчкәлекләрне кышка әзерләп куйдык.

Актаныш районы башлыгы Ленар Зарипов, район башкарма комитет җитәкчесе Рөстәм Ильясов, Актаныш авыл җирлеге башкарма комитет җитәкчесе Илнур Хуҗин өмә барышы белән танышты. Укучыларның да, укытучыларның да район өмәсендә актив катнашуларына рәхмәт белдерделәр алар.