10 ноябрьдән Бөтенроссия фән олимпиадаларының муниципаль этабы башланды.Физика фәненнән район җиңүчеләрен котлыйбыз!
7 сыйныф:
Азамат Ямалов - җиңүче, Әминә Арсланова - призер.
8 сыйныф:
Әмирхан Шәймәрданов - җиңүче, Румил Хаҗиев - призер.
9 сыйныф:
Ислам Тимеров - җиңүче.
10 сыйныф:
Вильдан Хуҗин - җиңүче.
11 сыйныф:
Булат Төхбәтуллин - җиңүче.
Укытучылары Ләйлә Рафак кызы Минһаҗева, Римма Гранит кызы Баһаветдинова. Котлыйбыз!

Башкортостан Республикасының Мәгариф һәм фән министрлыгының милли мәгариф идарәсеннән Юлия Галиҗан кызы Исмагилова, 2 нче санлы “СМАРТ” республика полилингваль күппрофильле гимназиясеннән, 1 нче санлы республика полилингваль күппрофильле гимназиясеннән, Сибай шәһәрендәге Р.Өметбаев исемендәге башкорт лицееннан директорлар, һәр төр юнәлеш буенча аларның урынбасарлары, республикабызга эш сәфәре кысаларында, гимназиябез эшчәнлеге белән танышты.

Башкортостанның 1 нче санлы республика полилингваль күппрофильле гимназиясе белән үзара хезмәттәшлек килешүе төзелде.

3В сыйныфы укучысы Билал Мөхәммәтов Казан шәһәрендә узган "Картинг БДД" ярышында катнашып, IV урын яулады. Котлыйбыз, Булат! Уңышлар сиңа!

"Ялкын" иҗтимагый балалар оешмасының I чиректә яулаган җиңүләре:
-"Ватанның яшь геройлары" районкүләм театр бәйгесендә 7а сыйныфы, "Соңгы хат" драмасы белән катнашып, II урын;
-"Ришвәтчелеккә - юк!" районкүләм бәйгедә катнашып, Әфтахова Ләйсән "Плакат" номинациясендә - II, видеоролик номинациясендә Гилаев Айнур һәм аның командасы - II, "Сочинение" номинациясендә Хафизова Эвелина, "Рәсем" номинациясендә Хафизов Эльвир I урын яуладылар. Котлыйбыз!

“Татаркино”ның Яр Чаллы филиалы ярдәме белән, башлангыч һәм бишенче сыйныф укучылары бүген "Сеңелкәш" фильмын карады.
"Сеңелкәш"- "Сестренка" ажиотаж тудыра алган фильм.
Башкорт язучысы Мостай Кәримнең «Безнең өйнең яме» повесте буенча Россия режиссеры Александр Галибин төшергән «Сеңелкәш» («Сестренка») фильмы мәгънәле, күңелгә үтеп керә торган әсәрләрнең берсе.
Сугыш чоры авылы, анда яшәүче кешеләр һәм балалар язмышын тетрәнмичә карап булмый. Сез дә карагыз...

Беренче дәрес "Мөһим темага сөйләшү" "Халыклар бердәмлеге көне"нә багышланды бүген.
5В сыйныфы укучылары аны интерактив уен форматында үтте - белгәннәрен искә төшерделәр. Каникулда берничә көнгә генә аерылып торсалар да, бер-берсен сагынырга да өлгергәннәр. Күтәренке кәефләре, дустанә шаярулары укуда тагын да активрак булырга этәргеч булсын!

Бүген – 7 ноябрь көнне, гимназиябездә "Разговоры о важном – Мөһим темага сөйләшү" сыйныф дәресләре "Халыклар бердәмлеге көне"нә багышланды.
Әлеге фотода 2А сыйныфы укучылары класс җитәкчесе Сөмәя Тәлгать кызы Муллаярова белән дәрес вакытында.

Нефтекама шәһәренең полилингваль һәм күп профильле интернат мәктәбендә Башкортостан һәм Татарстан республикаларының милли инновацион мәктәпләр директорлары катнашында форум узды. Форум, интенсив уку "Заманча шартларда мәктәп һәм югары уку йортының үзара бәйләнеш формалары" темасына багышланды.
Әлеге форумда гимназиябез директоры Венера Хәмәтнәсыйх кызы Хәева да катнашты.

3 ноябрь көнне Дәүләт Советында Татарстан Республикасы Конституциясенең 30 еллыгы алдыннан яшь татарстанлыларга Россия Федерациясе паспортларын тапшыру тантанасы узды. Күптән түгел 14 яше тулган балаларга паспортны Дәүләт Советы Рәисе Фәрит Мөхәммәтшин тапшырды.
Әлеге күңелле һәм истәлекле чарада Актанышның "Сәләтле балалар өчен гуманитар гимназия-интернат" укучысы Сарварова Язилә Илшат кызы да катнашты.

5А сыйныф укучысы Мансур Шәрипов йөзү спортындагы уңышлары белән безне сөендерүен дәвам итә. Район һәм төбәкара ярышларда Актаныш һәм гимназиябез данын яклый ул!
Каникул көннәре дә Мансур өчен күнегүләр, ярышлар белән үрелеп барды. Спортта башкача була да алмый!
“Халыклар бердәмлеге көне”нә багышланган йөзү ярышларында Актанышта һәм Илеш районының Югары Яркәй авылында беренче урын яулады спортчы егетебез.
Котлыйбыз сине, Мансур!