«Обещаю вернутьСя!!"("Кире кайтам!”) балалар һәм яшьләр проектына укучыларыбыз, әти-әниләр актив кушылды. Сыйныфлар белән бергәләп тә катнашты алар. Махсус хәрби операциядә катнашучыларга өй кайнатмаларын һәм балалар открыткаларын “Ялкын” балалар оешмасы әгъзалары, педагог-оештыручылар Миләүшә Рәдис кызы Аграпова, Алсу Мирзамәхмүт кызы Хафизова туплап, Балалар иҗат үзәгендәге җыю пунктына илтеп тапшырдылар.
Өй кайнатмалары туган як сәламен аларга җиткереп, солдатларыбызның кире туган якларга әйләнеп кайтуларына көч бирсә, кулдан ясалган открыткалар һәм хатларда күпме өмет, ышаныч! Кулга алуга ук тыныч кына карый алмыйсың. Ә инде хәрби нокталарда һәр мизгелдә уяу, киеренке халәттә, кыр шартларында яшәүче якташларыбыз өчен безнең ярдәм – иң кадерле бүләк!

Физкультура атналыгы кысаларында интернатта яшәүче укучылар белән волейбол ярышы узды.

Гимназиябезнең "Ялкын" балалар оешмасы республикакүләм балалар оешмалары арасында узучы "Ел активы - 2023" бәйгесенә катнаша. I турны уңышлы үтеп, II турга чакыру алдылар алар. "Ялкын" балалар оешмасы президенты Гилаев Айнурга, педагог-оештыручылар Хафизова Алсу Мирзамәхмүт кызына, Аграпова Миләүшә Рәдис кызына алга таба да уңышлар телибез!

"Спорт гаиләсе - сәламәт гаилә!" фотобәйгесенә 5В сыйныф укучылары да кушылды.

“Бүләк” чаңгы трассасында балалар бакчалары балалары һәм башлангыч сыйныф укучылары арасында узган “Россия чаңгы юллары-2023”, “Татарстан чаңгы юллары-2023” массакүләм чаңгы ярышында гимназиябез укучылары да катнашты. 1А сыйныфы укучысы Амеля Ганиева 1-2 сыйныфлар арасында 350 метрга узышуда 2 урын яулады. Молодец, Амеля!

Физкультура атналыгы барышында егетләр арасында турникта күтәрелү, кызлар арасында аркада ятып гәүдәне күтәрү буенча да иң-иңнәрне ачыклау бара. Укучыларыбыз бик актив.

Бүген бездә чаңгы эстафетасы! 5-11 сыйныф командалары - ике егет, ике кыз, "Нөркә" чаңгы базасында, эстафетада катнаша.

Интернатыбыз егетләре укуда да, эштә дә сынатмыйлар. Тәрбиячеләре Хаҗиева Миләүшә Рәдис кызы.

Тормыш иминлеге дәресендә 9а сыйныф укучылары Ришат Тимершәех улы Сибгатуллин белән Украинада махсус хәрби операциядә катнашучыларның батырлыгы хакында сөйләштеләр.

"Спорт гаиләсе - сәламәт гаилә!" фотобәйгесендә сез дә катнашырга ашыгыгыз, дуслар! Әмирҗановлар, Исламовлар, Сираевлар гаиләләре актив ял вакытында.