30 нчы мартта 10 нчы сыйныф укучысы Расулев Фархад Яр Чаллы шәһәрендә узган фәнни-гамәли конференциядә I дәрәҗәдәге дипломга лаек булды/

26 нче апрельдә Габдулла Тукай исемендәге III Бөтенроссия шигырь укучылар конкурсында X класс укучысы Расулев Фархад I дәрәҗәдәге диплом белән бүләкләнде, IV нче класс укучысы Мулланурова Айгөл II турда уңышлы катнашты.

23 нче мартта мәктәбебездә халкыбызның яраткан бәйрәме "Нәүрүз" үткәрелде. Бәйрәмдә балалар җырладылар, шигырьләр сөйләделәр, биеделәр, рәхәтләнеп төрле уеннар уйнадылар. Соңыннан барысы да "Карга боткасыннан" авыз иттеләр, тәмле-томнар белән чәй эчтеләр. Бәйрәмнән балалар да, кунаклар да бик кәнагать калдылар.

7 нче март көнне мәктәптә Язның беренче бәйрәме –халык-ара хатын-кызлар көненә багышланган үзенчәлекле концерт  булды. Концертның үзенчәлеге шунда, аны 1-11 нче класс малайлары оештырды. Алар үзләрен чын артистларча итеп күрсәттеләр. Бәйрәмнән соң ата-аналар җыелышы үтте.

1 нче март көнне  волейбол уйнаучы егетләребез Тирсэдэ узган волейбол буенча район ярышларында катнаштылар һәм беренче урынга лаек булдылар. Афәрин, егетләр! Булдырасыз!

Көрәштә дә сынатмыйбыз!

26 нче февральдә Тирсә авыл җирлегендә татар-башкорт милли көрәше буенча район беренчелегенә ярышлар булды. Мәктәбебез егетләре сынатмадылар. Үз үлчәүләрендә тубәндәге урыннарга лаек булдылар: беренче урын Тулбаев Булат; икенче урынга Ямалиев И., өченче урынга Каюмов Булат, Тимершин Ильвир. Уңышларыгыз юлдаш булсын сезгә, егетләр!

10 нчы сыйныф  укучысы Расулев Фәрхад физик тәрбия буенча Респубдика олимпиадасында катнашып призерлы урынны яулады. Фәрхадне һәм аның җитәкчесе Закиров Шамил Мирзиян улын чын күңелдән бу уңышлар белән котлыйбыз!

Көрәштә дә сынатмыйбыз!

15 нче февральдә Кадыбаш мәктәбендә “Афган гаскәрләре” көненә багышланган татар-башкорт милли көрәш турниры булды. Көрәш түгәрәге оешканга 2 ай гына вакыт узса да егетләр сынатмадылар. Хазиев Рузил, Тулбаев Булат, Садыков Ришат, Расулев Фәрхад үз үлчәүләрендә  беренче урынны яуладылар; Ямалиев И., Юсупов И., Шакиров А., Каюмов Б., Якупов Р., Арсланов Т. – икенче урынга; Шакиров Д., Ибрагимов А., Башаров Д., Камарицкий М. -өченче урынга лаек булдылар. Уңышларыгыз белән котлыйбыз егетләр!

Мәктәптә бәйрәм!

       Күңелле дә, серле дә бәйрәм - ул Яңа ел! Кемнәр генә көтеп алмый икән аны! Менә без дә Кадыбаш мәктәбендә бу бәйрәмне зурлап үткәрдек. 

    Кадерле әниләр! Сезне якынлашып килүче Әниләр бәйрәме белән тәбрик итәбез. Сез – безнең яклаучыбыз, саклаучыбыз, барыр юлыбызны яктыртып торучы мәңге сүрелмәс кояшыбыз. Сез булган җирдә ризык бар, җылы бар. Бердәнбер иң кадерле, иң хөрмәтле, иң якын кешеләребез - Әниләр! Балаларыгыз турында гел яхшы сүзләр генә ишетеп яшәргә язсын Сезгә! Без бит беләбез: әниләр өчен моңардан да зуррак бәхет юк! Матур булсын, котлы булсын бәйрәмегез!