Без, 3 ,4 сыйныф укучылары, классыбызда “Туган көн кичәсе” үткәрдек. Һәр ел фасылында туган иптәшләребезне  төркемләп котладык, бер-беребезгә бүләк итеп, җырлар җырладык, шигырьләр сөйләдек, биедек. Ә соңыннан әниләребез пешереп җибәргән бик тә тәмле бәлеш-пироглар белән чәй эчтек. Бергә-бергә күңелле ял итү өчен менә дигән бәйрәм булды бу!

Студентлар белән очрашу - мәктәбебезнең матур традициясе. Кичәге үзебезнең укучылар, бүгенге студентларыбыз ел да безнең белән күрешергә теләп, сагынып киләләр. 31 нче гыйнвар көнне “Бер күрешү – бер гомер” дип аталган очрашу кичәсенә югары уку йортларында белем алучы 11 студент егет һәм кыз килгән иде. Бәйрәмне 8 нче сыйныф укучылары спорт бәйгесе итеп үткәрделәр. Укучыларыбыз  сабакташлары белән көч  тә сынашты, үзләрен кызыксындырган сорауларын биреп аралашты да. Ә соңыннан үзебезнең җырчылар тарафыннан “тере тавыш”ка үткәрелгән дискотека студентларыбызның күңелендә дә озак сакланыр, туган мәктәпләрен сагындырып, исләренә төшереп торыр әле.

В документы, регламентирующие проведение ЕГЭ в этом году, внесены некоторые изменения.  В целом сохранена структура экзаменационных материалов, длительность экзамена, минимальные баллы ЕГЭ также остаются на уровне прошлого года. Главная цель нововведений – обеспечение информационной безопасности ЕГЭ. Кроме того, в помощь участникам ЕГЭ еще в ноябре 2013 в сети Интернет был открыт банк заданий ЕГЭ, которые можно использовать при подготовке к экзаменам.  

28 нче гыйнвар көнне башлангыч классларда ата-аналар җыелышлары үткәрелде.  “Гаилә һәм мәктәп” журналыннан “Тәрбиягә ... вакыт кирәкми” һәм “Бу хакта ничек сөйләргә?” дигән язмалар белән таныштырылып фикер алышынды.

27 январьда илебез халкы Россия тарихында 862 көнгә сузылган һәм иң фаҗигале вакыйгалардан саналган Ленинград чолганышы өзелүнең 70 еллыгын билгеләп узды.  Ленинград блокадасы вакытында ике миллионнан артык кешенең гомере өзелә. Бу  көнне без дә мәктәптә Бөек Җиңүнең 70 еллыгын каршылап, Ленинград шәһәренең фашист илбасарларыннан азат ителүе уңаеннан “Батырлык дәресләре” үткәрдек. Бу дәресләргә тыл ветераннарын чакырып, очрашу оештырдык. Бәйрәмгә “Наша общая победа” проекты өчен видеороликлар төшердек һәм аларны ветераннарның үзләренә дә күрсәттек. Бу дәресләрдә  “Туган якны өйрәнү” түгәрәге әгъзалары мәктәп музее материаллары белән чыгыш ясадылар.

Бездә кунакта – күпкырлы талант иясе Алмаз Хәмзин үзенең кызы Алия Хәмзина һәм “Казан утлары” журналы хезмәткәре Алмаз Гыймадиев белән. Очрашу бик җанлы, кызыклы үтте. Алмаз абый барыбызны да җырлатты да, уйнатты да, эч катканчы көлдерде дә. Җырчы, композитор, шагыйрь, сүз остасы, язучы белән мондый очрашулар ешрак булсын иде.

Бүген авылыбызда җыен үткәрелде. Анда авыл  җирлегендәге  барлык оешмаланрың да  узган елгы эшенә йомгак ясала. Ә җыелыштан соң мәктәпнең  “Җырлыйк та, биик тә” түгәрәге әгъзалары  бик зур концерт күрсәттеләр. Түгәрәкнең кечкенәләр группасы өчен бу беренче сынау концерты булды. Балаларның чгышларын авыл халкы яратып кабул итте. Түгәрәк җитәкчесе Латыпова А.Р. га рәхмәт хисләрен җиткерделәр.

21 январь көнне мәктәбебездә “Киләчәгебезне саклыйбыз” Бөтенрәсәй бәйгесенең  “Талантлар иле” проекты кысаларында рәсем конкурсының мәктәп туры үткәрелде. Иң актив укучылар – башлангыч сыйныфлар. Җиңүче эшләрне муниципаль турга җибәрәбез.

20 нче гыйнвар көнне мәктәбебезнең баскетбол буенча җыелма командасы зона ярышларында катнашты. Егетләр командасы 2 нче, кызлар – 3 нче урынны яулады. Тукманов Нияз һәм Гыйльфанова Сөмбелләр “Яхшы уенчы” номинацияләрендә бүләкләнделәр. (Укытучы Симаков Ф.Ф.)

Бүген бездә кунакта- “Яңарыш” газетасы редакциясе. Рәссам – Әхәт абый Фәррәхов, безнең яраткан “Алтын йомгак” сәхифәсен алып баручы Рилия ханым Закирова һәм алар белән бергә газетаның штаттан тыш хәбәрчесе, авылдашыбыз шагыйрә Әлфирә апа Низамова. Эчкерсез очрашуның максаты – балаларны иҗатка тарту, “Яңарыш” газетасын пропагандалау.