14 ноябрьдән 16 ноябрьгә кадәр татар телен саклауга һәм популярлаштыруга юнәлдерелгән «Татарча диктант» масштаблы белем бирү акциясе узачак.
«Татарча диктант» акциясе беренче тапкыр 2016 елда Бөтендөнья татар яшьләре һәм татар активистлары форумы инициативасы белән үткәрелде. Бүген ул дөньяның 31 иле һәм Россия Федерациясенең 74 төбәге вәкилләрен берләштерә. Бүген гимназиядә әлеге акциягә укучылар, мөгаллимнәр дә кушылды.

Ел саен 16 ноябрьдә Халыкара толерантлык көне билгеләп үтелә. Әлеге дата кешелек җәмгыяте яшәү һәм аны үстерү өчен мөһим, чөнки хәзерге заманның зыялы кешесе- ул үзен хөрмәт итү хисе булган һәм тирә яктагылар хөрмәт иткән кеше, чөнки толерантлык кешенең югары һәм интеллектуаль үсешкә ия булу билгеләре. Толерантлык тәрбиясен балачактан башларга кирәк. С. Рәфыйков исемендәге Үзәк китапханәнең татар әдәбияты бүлеге хезмәткәрләре «Р.Ш. Фәрдиев исемендәге татар гимназиясе» укучылары өчен «Без төрле, ләкин бер җирдә яшибез» дип исемләнгән танып белү сәгате үткәрде. Чара алып баручыларның бәйрәмнең тарихы һәм аның актуальлеге турында сөйләвеннән башланды. Шулай ук толерантлык төшенчәсе һәм толерант шәхеснең төп сыйфатлары белән таныштырдылар. Балалар «Дима турында», «Игелекле гамәл» мультфильмнарын карап, үзләре дә игелекле эшләре, иптәшләренең үрнәк гамәлләре турында искә төшерделәр, «Җан азыгы- җылы сүз», «Әкият геройларын ата» кебек уеннар уйнадылар.Чарага йомгак ясап, китапханәчеләр балаларга үзара дус- тату булырга, бер-береңне хөрмәт итәргә, мәрхәмәтле һәм игътибарлы булырга чакырдылар.

Бүген, 13 нче ноябрь көнне юл-транспорт һәлакәте корбаннарын искә алу көне уңаеннан һәм тәүлекнең караңгы вакытында юл хәрәкәте кагыйдәләре һәм яктылыкны кире кайтара торган элементлар турында әңгәмә үткәрелде. Шулай ук, ЮИД отряды агитбригадалар арасында зона этабында 3 урынга лаек булган 4 нче Б сыйныф укучылары мактаулы бүләкләргә лаек булды.

Гимназиябезнең кызлар һәм егетләр командасы «КЭС - БАСКЕТ» Мәктәп Баскетбол Лигасында призлы урынга лаек булдылар. Афәрин! Чын күңелдән котлыйбыз!

"Р.Ш. Фәрдиев исемендәге татар гимназиясе" укучылары «Яшь экскурсовод» дип аталган район конкурсында катнаштылар.
Укучылар үзләренең белемнәрен һәм осталыкларын күрсәттеләр, мәктәпнең туган якны өйрәнү музеенда куелган экспонатлар турында сөйләделәр. Аларның чыгышларына тәҗрибәле педагоглардан һәм профессиональ экскурсоводлардан торган жюри бәя бирде. Конкурс нәтиҗәләрен көтәбез.

Мәктәп укучыларының сайлау хокукы һәм сайлау процессы буенча Бөтенроссия олимпиадасының төбәк (сайлап алу)этабы җиңүчесе Кандалинцев Кириллны котлыйбыз!
Укытучы-Белышева Анна Владимировна!

Халык бердәмлеге көне. Россия дәүләт бәйрәме. 2005 елдан башлап, 4 ноябрьдә билгеләп үтелә. 2004 елның 29 декабрендәге 201-ФЗ санлы Федераль закон нигезендә, 2005 елдан башлап, 4 ноябрь ял көне булып санала. Әлеге бәйрәм уңаеннан барыгызга да саулык-сәламәтлек, имин көннәр һәм эшләрегездә уңышлар телим. Илебез тыныч, күгебез һәрвакытта да аяз булсын.

7 һәм 8 сыйныф укучылары 29,30,31 октябрь көнне Бөгелмә шәһәрендә узган «Мәктәп бизнес-старты» проектының 2 этабында катнашты.
Команда Казанда узачак киләсе этапка үтте.
Оештыручылар катнашучыларга бүләкләр тапшырды. Балалар канәгать калдылар.

Балалар иҗат йорты укытучысы Светлана Васильевна Кузнецова 2 нче Б сыйныф укучылары һәм әти-әниләре белән рәсем буенча мастер-класс уздырды.

28 нче октябрь көнне С. РӘФЫЙКОВ исемендәге Үзәк китапханәдә махсус XV Тукай укулары узды. Анда 2 нче А сыйныф укучысы Бусов Радмир җиңү яулады. Чын күңелдән котлыйбыз, иҗади уңышлар теләп калабыз. Афәрин!