19 май –Пионерия туган көн. Кемдер үзенең балачагын муенындагы кызыл галстугы белән хәтерли, ә кемгәдер пионер быргысы чакыруы бөтенләй таныш түгел. Кайчандыр шаулап-гөрләп яшәгән пионерия инде тарихта гына калды.Безнең әби-бабаларыбыз, әти-әниләребез дә пионер, комсомол сафларында булганнар.  Әлеге уңайдан гимназиядә тантаналы линейка узды.Тарих укытучысы Калимуллин Р.Р. һәм 8 нче сыйныф укучылары пионерия тарихы турында сөйләде. Галстуклар бәйләп күрсәтте.

 20 нче май көнне 11 сыйныф укучылары ГРЭС эшчәнлеген өйрәнү максатыннан экскурсиядә булдылар. Алар анда электр энергиясен алу турында мәгълүмат җыйдылар. ГРЭС музеенда булып, аның тарихы белән таныштылар.Әлеге чара чыгарылыш сыйныф укучылары өчен киләчәктә һөнәр сайлаганда юнәлеш бирүгә ярдәм итәр.

18 нче май көнне гимназиядә өлкән сыйныф укучылары белән  сайлау хокукы нигезләре буенча бердәм  сыйныф сәгатьләре узды. Тарих һәм җәмгыять белеме укытучысы Кадымова Р.Р.  укучыларны  Россия  Федерациясенең сайлау системасы төшенчәсе, аның асылы, төп чыганаклары, структурасы, сайлау хокукының принциплары белән таныштырды.  Гражданнарының сайларга һәм сайланырга конституцион хокукларын аңлатты,   сайлау хокукы турында белемнәрне тирәнәйтте.

18 нче май көнне чыгарылыш сыйныф укучылары    татар теленнән мониторинг тикшерү эше ( сочинение элементы белән изложение) эшләделәр. Имтиханда барлыгы 20 укучы катнашты. Укучыларыбызга алдагы имтиханнарда да уңышлар телибез.     

Гимназиядә укыту һәм тәрбия эшендә милли региональ компонентын куллану планы буенча эш алып барыла.  Шуның кысаларында,16 нчы май көнне 5нче  Б сыйныфы укучылары 1-2 нче сыйныф укучылары өчен татар халык уеннарын күрсәтте.Чарада   халкыбызга хас булган һәм милли бәйрәм – сабантуйда уйнала торган күп төрле уеннар  уйнатылды. Балалар бик теләп уеннарда катнаштылар.   

     Ел да 15 майда – табигатьнең иң гүзәл,  алмагачлар  чәчәккә төренгән вакытында Халыкара гаилә көнен билгеләп үтәбез.Үз йортында бәхетле булган бала гына бәхетле. Кеше яшәешенең асылын шушы гап-гади сүзләр ача да сала. Бүген гимназиядә Халыкара гаилә көненә багышланган  бердәм сыйныф сәгатьләре үтте.  Укучыларга  бәхетле булуның һәм үзара аңлашып яшәүнең кыйммәтен тагын бер мәртәбә укытучы Кадымова Римма Рәшит кызы искәртеп китте.Шулай ук чарада шәһәребез депутаты Хайруллин Илнар Гайсович та катнашты. Ул укучылар белән гаилә коруның җаваплы булуы турында тормыш тәҗрибәсен уртаклашты.

     Без барчабыз да  һәр гаиләгә бәхет һәм иминлек телибез.

Ежегодно старшеклассники гимназии принимают участие в параде Победы "Слава всем ветеранам". И в этом году в честь 71-годовщины Победы в Великой Отечественной войне гимназисты достойно прошли по улицам города.