Быел  Россия  тарихы елы, шул уңай белән  гимназиябезгә танылган шәхесләр күп килә. 10нчы февраль көнне татар язучысы, галим һәм күренекле  җәмәгать  эшлеклесе, Татарстан  Язучылар берлеге  әгъзасы, Һади Атласи   исемендәге  бүләк лауреаты Зәки Лотфулла улы Зәйнуллинны  очрашуга чакырдык.  “Язмышлар  аша кешеләрне яхшылыкка өндәүче  ул. Үз халкын  бүтәннәр арасында яхшы итеп күрергә теләүче. Үзе дә- төрле милләт кешеләре белән  уртак тел табып, үзен татар  итеп саклап калган кеше. Татар йөзенә тап төшермәгән  офицер. Татар теле нигә кирәк дип җүләр  сүз сөйләп  йөрүче түгел.Мәктәптә татарча укып, русның  хәрби академиясен  тәмамлап, академиядә рус телендә укытып, татарча әсәрләр  язган кеше”,-  дип  яза  аның турында язучы Туфан Миңнуллин.  Очрашудан алган җылы тәэсирләр  белән без өйгә кайткач әти-әниләребез белән дә уртаклаштык. Татар халкының горурлыгы булган  Зәки Зәйнуллинга, шушы очрашуны оештырган  укытучыларыбызга  бик рәхмәтле без.         8-11нче  сыйныф укучылары исеменнән: Гөлназ Мотыгуллина.