Бәйрәмдә 2-4 сыйныф укучылары башкаруындагы яз, Нәүрүз турында шигырьләр, матур җырлар яңгырады, төрле уеннар уйналды, 2 б сыйныфы кызлары тамашачыларны татар халык биюе белән  шатландырды. Шулай ук балалар өйләргә кереп, хуҗаларга такмак-такмазалар әйтеп, аларны бәйрәм белән котлау күренешен сәхнәләштерделәр. Язның беренче хәбәрчеләре – кара каргалар “очып кайтып”, балаларны яз килүе белән котладылар. Бәйрәм кунаклары – Нәүрүзбикә һәм Кыш Бабай үзара көч сынашып, урыннарын алмаштылар: бик карышса да, Кыш Бабай үзенең яз алдында көчсезлеген танырга мәҗбүр булды, һәм яз кызы – Нәүрүзгә үз урынын тапшырды.