АКЦИЯ « Жизнь без наркотиков»

  20 мая по 26 июня 2014 года стартует республиканская антинаркотическая акция « Жизнь без наркотиков», приуроченная к 26 июня – Международному дню борьбы со злоупотреблением наркотическими средствами и их незаконным оборотом. Всю информацию о ходе акции необходимо размещать на сайтах образовательных организаций. 

Гимназиядә беренче сыйныфлар өчен интерактив формада ата-аналар җыелышы үткәрелде. Җыелышта төрле мәсьәләләр күтәрелде, шуларның берсе – билге кую. Әти-әниләр “билге” төшенчәсен аңларга тырышты. Җыелыштан һәркем канәгать калды.

А.П. Маринович исемендәге ХХ нче Республика фәнни-гамәли конференциясендә катнашып, 2 урын яулаган 5 нче Б сыйныфы командасын котлыйбыз:

Сакаева Кристина

Хайбуллин Булат

Хайруллин Инсаф

Укытучы: Зарипова Л.Р.

10 нчы А сыйныфы укучысы Каюмова Ләйләне лауреат булуы белән котлыйбыз! Укытучы: Зубарева Г.Я.

Рус теленнән муниципаль күләмдә 2 нче урын алган 5 нче Б сыйныфы укучысы Сакаева Кристинаны КОТЛЫЙБЫЗ!!! (Укытучы: Яманова Е.Н.)

Римма Михайловна турында очерк.

Без 5нче Татар Гимназиясенең “Фантазия” һәм творчество түгәрәген җитәкләүче, ачык йөзле, бер күрүдә кешене үзенә җәлеп итә торган Римма Михайловна турында язасыбыз килә.

Безнең балалар гимназиянең 4нче А классында укыйлар. Аларның укытучылары Алсу Рәмисовна. Аларның түгәрәккә бик теләп йөрүләрендә аның да зур ярдәме бар. Без аңа зур рәхмәтлебез.

Римма Михайловна безне ачык дәрескә чакырды. Балалар безнең алда бергәләп мәк чәчәге ясадылар. Ул балаларны гына түгел, безне дә шул түгәрәк дөньясына алып кереп китте. Андагы балалар кулы белән ясаган әйберләрне күреп, шаккатык. Билге инде бу әйберләрне ясарга өйрәнүдә Римма Михайловна күп көч һәм түземлелек сарыф иткән. Без шундый түгәрәк булуына бик сөенәбез. Балалар да бик теләп йөриләр. Бу түгәрәкне, хуплап һәм ярдәм кулы сузган гимназиянең җитәкчесе Чибинова Нәкыя Шәмсувәлиевнага олы рәхмәтебезне җиткерәсебез килә. Түгәрәк озын гомерле булсын. Римма Михайловнага һәм барлык укытучыларга саулык-сәламәтлек, сабырлык, хезмәтләрендә уңышлар телибез.

Римма Михайловна кебек олы йөрәкле, күркәм холыклы кешеләр күбрәк булса иде.

Иң изге теләкләр белән зур рәхмәтебезне җиткерәбез: гимназиянең 4нче А сыйныфының әти-әниләре.        

«Родительская забота» проекты кысаларында 3 нче май көнне муниципаль күләмдә  өмә үткәрелде. Безнең гимназиядән гаиләләре белән 2 нче а сыйныфы укучылары һәм сыйныф җитәкчесе дә катнашты.

30 апрель көнне гимназиядә 1-11 сыйныфларда  Россия, Кырым Республикасы һәм Севастопольнең берләшүенә багышланган "Без бергә" темасына Парламент дәресе үтте.

Бүген гимназия күләмендә “Тамчы-шоу” интеллектуаль уены 5-6 нчы сыйныфлар арасында үтте. Укучылар бик күп кенә кызыклы мәгълүматлар туплады. I нче урынны “Йолдызлар” командасы яуласа,  II нче урынга “Татар яшьләре” командасы лаек булды. Командалар грамоталар белән бүләкләнде. 

Гимназия күләмендә Габдулла Тукайның туган көне уңаеннан, “Тамчы-шоу” интеллектуаль уены булды. Уенда 3-4 нче сыйныф укучылары катнашты. Алар берничә катлаулы тур үтеп, бәйгедә үз белемнәрен күрсәтте. I нче урынны “Без – Тукай оныклары!” командасы яуласа, II нче урынга “Йолдызлар” командасы лаек булды.

Гимназия күләмендә “Уйнагыз, гармуннар!” фестивале узды. Бәйгедә 3-4 нче сыйныф укучылары катнашты. Алар гармунда, баянда, аккардеонда уйнап күрсәттеләр. Катнашучыларны мәртәбәле жюри, шәһәр күләмендә дә танылган гармунчы, курай остасы Вил абый Шәрәфетдинов бәяләде.