4 март көнне мәктәптә Әтиләр конференциясе булып узды. Бәйрәмгә бөтен укучыларыбызның әтиләре килде. Татар теле һәм здәбияты укытучысы Абдуллина С.Н. әтиләргә күренекле мәгърифәтче, галим, педагог Р.Фәхретдиннең бала тәрбияләү буенча үгет нәсихәтләрен укыды, этинең гаиләдәге роле турынды сөйләде. Гаилә тәрбиясенең бала тормышында мөһим роль уйнавын билгеләп үтте. Соңыннан беренче-тугызынчы сыйныф укучылары әзерләгән концерт күрсәтелде. Бәйрәм сценариясе  педагог-организатор Сабирова Р.Н. тарафыннан балалар арасында үткәрелгән анкета нәтиҗәләренә таянып төзелде. Һәр әтинең мавыгуы, зәвыгы, һөнәрләре турында матур итеп сөйләнде. Укучылар һәм әтиләр командасы арасында мини-КВН үтте. Бу уенда әтиләрнең тәҗрибәсе, укучыларның өлгерлеге билгеләп үтелде. Әтиләрнең балаларының укуы, тәрбиясе турында  югары дәрәҗәдә хәбәрдар булуы күңелне сөендерде. Без әтиләрне һәм мәктәбебезнең ир-малай укучыларын бәйрәмнәре белән котлыйбыз!