Сегодня учащиеся школы приняли участие в школьном туре олимпиады по русскому языку и литературе. Ученики, которые покажут самые хорошие знания и баллы примут участие в муниципальном туре олимпиад по предметам. Желаем успехов!

Тиздән укучыларның  фәннәр буенча Бөтенрәсәй олимпиадалары башланып китә. 1 тур - мәктәп туры. Мәктәп директорының боерыгы нигезендә бу олимпиадалар 14 ноябрьгә кадәр үткәрелеп бетергә тиеш. Шуңа да укучылар мәктәптә үткәрелә торган олимпиадаларда актив катнашырлар һәм мәктәп данын, лаеклы рәвештә, муниципаль турда да якларлар дигән ышанычта калабыз. Уңышлар сезгә, укучылар!

   Бүген мәктәптә Көз бәйрәме - Сөмбелә булып узды. Әмма алдагы еллардан аермалы буларак әлеге чарага кунакка авылның барлык лаеклы ялда булган апа-абыйларын, әби-бабайларын чакырдык. Бик масштаблы, зур һәм матур бәйрәм булды бу. Мәктәпнең көзгечә бизәлгән спорт залында, бәйрәм табыны артында ике буын - яшьләр һәм өлкәннәр очрашты. Матур ак яулыкларын,  ак шәлләрен ябынган әбиләр гүя аккошлардай бик  күркәм күренделәр. Укучылар үзләренең  һөнәрләрен күрсәтсәләр, өлкәннәр исә  аларга үзләренең уй-теләкләрен җиткерделәр. Әлеге чараны оештыруда эшмәкәр Әнвәр Минуллиннның да ярдәме зур булды. Килгән кунаклар алдында мәктәп директоры Максумов М.М., авыл җирлеге башлыгы Кадыйров Р.С. һ.б. чыгыш ясадылар.

   Авылның ике буынын очраштырган бәйрәм дәвамлы булсын иде дигән теләк белән таралышты халык.

   Быелгы көз бик яңгырлы килде. Шуңа күрә дә мәктәп бакчасында үстерелгән мул уңышны җыеп алу алдагы еллар белән чагыштырганда соңгарак калды. Әмма алай булуга карамастан мәктәп коллективы уңышны күтәренке рухта, бик теләп җыйнап алды.

Бүген мәктәптә Укытучылар көненә багышланган музыкаль-әдәби кичә булып узды. Мәктәпнең иң талантлы укучылары үзләренең яраткан укытучыларына бәйрәм концерты оештырды. Укучылар әзерләгән җырлар, биюләр, шигырь юллары, чәчәк бәйләмнәре  мөгәллимнәрнең күңеленә хуш килгәндер дип ышанасы килә.

  10 класс укучылары үзләренең тәҗрибә участокларында бик зур кабаклар үстерүгә ирештеләр. "Стофунтовая" дип аталган  сортлысы һәрберсе  12-15 кг лы кабаклар бирде. Башка сортлылары да мул уңыш бирде. Афәрин 10 нар!

  Мәктәптә икенче ел уңышлы гына Яшь туристлар түгәрәге эшләп килә. Мәктәп командасы район күләмендә үткәрелгән һәр ярышта катнашып призлы урыннарга лаек була. Быелгы уку елының беренче бәйгесен дә мәктәп командасы зур уңышлар белән башлап җибәрде. Маяк урманында узган Туризм буенча муниципаль ярышта әлеге команда беренче урын яулап кайтты. Чыннан да егет-кызларның уңышы мактанырлык, шәһәрнең тәҗрибәле командаларын да артка калдырып иң яхшы нәтиҗәләр күрсәтүе безнең туристларның югары әзерлекле булулары турында сөйли. Мәктәп командасын һәм аларның тренерлары Шакиров Р.Ф. ны чын күңелебездән котлыйбыз!

Шимбә көннне Казан шәһәрендә мәктәп һәм махсус урта белем бирү учрежденияләренең авыл хуҗалыгы продукциясе ярминкәсе булып узды. Әлеге традицион чарада быел Ачасыр мәктәбе дә үз бакчасында үстергән мул уңышы белән катнашты. Татарстанның төрле почмакларыннан килгән мәктәп коллективлары бик матур сәүдә рәтләре оештырган иде. Без тәкъдим иткән продукцияне Казан халкы бик яратып һәм тиз арада алып та бетерде. Экологик яктан чиста һәм бәясе дә кыйммәт булмаган яшелчәне тагын кайдан табар соң казанлылар! 

  Казанда узган ярминкәгә Хезмәт һәм мәшгульлек министры Айрат Шәфигуллин, фән һәм мәгариф министры Энгель Фәттахов та килгән иде. Бәйрәм ярминкәсен ачыр җибәргәннән соң алар мәктәпләрнең сату урыннарын карап, танышып йөрде. Ачасыр мәктәбе коллективы алып килгән күргәзмә-ярминкә белән министрларны директор Максумов М.М. үзе таныштырды. Министр мәктәпнең эшчәнлегенә югары бәя бирде һәм киләчәктә безнең мәктәпкә кунакка килергә теләген белдерде.

   Әйе, мәктәбебез уңышлы гына эшләп килә, күрсәтер эшләребез дә бар. Рәхим итегез!  

  В рамках Всероссийской природоохранной акции в школах прошли Уроки Чистоты. Для учащихся были проведены классные часы, так же мероприятия по очистке территории от мусора.