На общешкольной линейке учитель русского языка и литературы Гафиятуллина А.А. подвела итоги недели по предмету. Самые активные и отличившиеся учащиеся награждены грамотами и дипломами. Поздравляем!

Бүген гомуми класс сәгатенә Ачасыр ФАП ы мөдире Гыйниятуллина Фәния Габбаз кызы чакырулы иде. Фәния ханым укучыларга вирус, грипп профилактикасы турында чыгыш ясады. Ничек сакланырга, нинди профилактик чаралар күрергә кирәклек турында әңгәмә корылды. Шулай ук яңа чыккан коронавирус турында кирәкле белешмә бирде. Укучылар Роспотребнадзор тәкъдим иткән видеороликлар карады һәм 5-6 класс укучыларының чыгышларын тыңлады.

Бүген шахмат турниры 5-9 класс укучылары арасында узды. Ярышта нигездә егетләр катнашты. Гомуми нәтиҗәләр  буенча җиңүче булып 9 класс укучысы Сайфудинов Умар табылды. Котлыйбыз!  

Район уку йортларында шахмат марафоны игълан ителде. Аның кысаларында беренче турнир 1-4 класс укучылары арасында узып, җиңүгә 4 класс укучысы Минуллин камил иреште. Котлыйбыз!

Бүген мәктәбебездә ТАССРның 100 еллыгына багышлап, ТР Дәүләт Советында тәрҗемәләр бүлегендә мөдир булып эшләүче Хәйруллина Нурия Габбаз кызы белән очрашу узды. Нүрия Габбазовна укучыларга бик кызыклы фактларга таянып, безнең дәүләтчелегебез турында сөйләде, үзенең эшчәнлегенә туктады. мәктәп китапханәсенә күп кенә кызыклы китаплар бүләк итте, шул исәптән үзе авторлыгындагы китапларны да. Мәктәп укучылары җавап итеп мөхтәрәм кунагыбызга үз чыгышларын һәм үз куллары белән ясаган кул эшләнмәсе бүләк иттеләр. Очрашуны оештырган татар теле укытучысы Кәбирова Г.Р.га зур рәхмәтебезне белдерәбез.

Мәктәптә грипп һәм ОРВИ профилактикасы буенча чаралар уза. Бу атнада 5-6 класс укучылары өчен гомуми класс сәгате узды.

Илебездә тотрыксыз һава торышы саклана. Шуңа да грипп һәм ОРВИ белән авыручылар күбәер дип көтелә. Авырмас өчен профилактик чаралар күрү кирәк. Ике ай дәвамында мәктәпләрдә Грипп профилактикасы буенча төрледән төрле чаралар узачак. Шуның берсе бүген 1 нче класста узды. Аны башлангыч класс укытучысы Замалиева Ф.Г. оештырды.

Авыл мәдәният йортында узган авыл җыенында, мәктәп укучылары үз кул эшләре күргәзмәсе белән катнашты. Укучылар әзерләгән эшләнмәләрне Яшел Үзән башкарма комитеты җитәкчесенең беренче урынбасары Усманов М.З. та югары бәяләде.

Мәктәп укучылары тырышып-тырышып, узыша-узыша УЧИ,РУ белем порталында төрледән төрле конкурсларда, бирем башкаруларда катнаша. Аеруча да үз уңышлары белән башлангыч класс укучылары мактана ала. Гомуми линейкада әлеге сайтта уңышларга ирешеп, тиешле баллар суммасын туплап  грамоталарга лаек булган укучылар бүләкләнде. Шулай ук грамота белән аларны әлеге җиңүләргә илткән укытучылары Замалиева Ф.Г. һәм Шигабутдинова Г.Ф. бүләкләнде.