2026нчы елның 15нче февралендә татар шагыйре, Советлар Союзы герое Муса Җәлилнең тууына 120 ел тула. Әлеге дата уңаеннан балалар бакчасында әдәби хәтер сәгате үткәрелде. Чара барышында балалар шагыйрь тормышыннан, аның катлаулы балачак һәм яшүсмер елларыннан, әдәби эшчәнлегеннән, Бөек Ватан сугышындагы батырлыклары турында күп кенә кызыклы мәгълүматлар белделәр. Шулай ук шагыйрьнең балалар өчен язылган шигырьләре дә яңгырады.

"Дәвам" шәһәр проекты кысаларында  бакчабызда  өлкән тәрбиячеләр һәм татар теле тәрбиячеләре өчен семинар-практикум узды.  Семинар барышында балаларны Татарстан Республикасы җирлегендә яшәүче халыкларның милли мәдәнияты белән халык иҗаты аша таныштыру буенча төрле эш алымнары тәкъдим ителде. 

8нче февраль - Рәсәй Фәне көне. Әлеге уңайдан бакчабызда төрле чаралар узды: балалар презентациялар аша галимнәр һәм аларның ачышлары белән таныштылар, үзләре дә төрле тәҗрибәләр ясап карадылар.

Бакчабызда Яңа ел бәйрәмнәре узды. Кунак булып Кыш бабай һәм Кар кызы, әкият батырлары килделәр. Балалар алар белән бергә җырлап, биеп, уеннар уйнап күңел ачтылар. Кыш бабай балаларны татлы күчтәнәчләр белән сөендерде.

Тиздән иң могҗизалы бәйрәмнәрнең берсе - Яңа ел җитә. Балалар Кыш бабай белән Кар кызын каршы алырга әзер: матур чыршы бизәделәр, шигырьләр, җырлар да өйрәнделәр.

"Әтием армияда хезмәт итте..." исеме астында фоточелленджда катнашабыз. Әтиләребез - безне яклаучылар, илебезне саклаучылар. Без алар белән горурланабыз. 

Әниләр көне уңаеннан, балалар кадерле әниләрен бәйрәм белән котладылар. Бәйрәм матур җырлар, биюләр белән үрелеп барды. Әниләребез дә бәйрәмдә актив катнаштылар.

Халыклар бердәмлеге көне уңаеннан балалар бакчасында тематик чаралар узды. Әлеге чаралар балаларда Ватанга мәхәббәт, аның өчен горурлык, бердәмлек хисләре тәрбияләргә ярдәм итә.

Бакчабызда гөрләп көзге бәйрәмнәр узды. Балалар көзгә багышланган җырлар, биюләр башкарып күңел ачтылар. Кунакка Көз кызы да килде, ул балаларны көзге күчтәнәчләр белән сөендерде.