1 сентябрьдә, иң истәлекле һәм дулкынландыргыч көннәрнең берсендә, бик күпләр өчен тормышның яңа сәхифәсе, танып-белү, иҗади уңышлар чоры башлана. Бу көн – гимназия бусагасын тәүге кат атлап кергән беренче сыйныф укучылары өчен дә, алларында төрле сынаулар һәм һөнәр сайлау бурычы торган чыгарылыш сыйныф укучылары өчен дә үзенчәлекле көн.

         Кадерле гимназистлар! Укуның һәр көнендә тырышып, өзлексез рәвештә белем алуыгыз бик мөһим, чөнки белемнән башка алга китү мөмкин түгел. Әлеге уку елы күңелле вакыйгаларга һәм иҗади ачышларга бай булсын, гимназия тормышыгыз эчтәлекле һәм мавыктыргыч узсын. Укытучыларга – һөнәри уңышлар, зирәклек, укучыларының мәхәббәтен һәм хөрмәтен яулауларын, балаларга – эшсөючәнлек, максатка ирешүдә үҗәтлек, бик яхшы билгеләр, әти-әниләргә – сабырлык, балаларның үз уңышлары һәм җиңүләре белән шатландырып торуларын телибез. Барлык хыялларыгыз чынга ашсын, бәхет, нык сәламәтлек, чиксез көч-куәт, максатларыгызга ирешеп, яңадан-яңа үрләр яулавыгызны теләп калабыз!