Шушы көннәрдә илебездә Әниләр көне билгеләп үтелде. Әлеге матур чарадан гимназиябезнең 6а сыйныфы да читтә калмады (сыйныф җитәкчесе – Г.В.Нурмиева). Укучылар бәйрәмгә ныклап әзерләнделәр: җыр – биюләр, шигырьләр өйрәнделәр.  Бәйрәм әниләрнең күңеленә хуш килде, алар үзләре дә төрле бәйгеләрдә катнаштылар, җырга-моңга  сәләтле икәннәрен күреп тә сокландык. Күренекле шагыйрь Һ.Такташ сүзләре белән әйткәндә, “Ана – бөек исем! Нәрсә җитә ана булуга?”  Барлык әниләргә исәнлек-саулык, бәхетле озын гомер телибез.