Бүген лагерьда халкыбызның иң яраткан, иң күңелле, иң тантаналы бәйрәме – Сабантуй булды. Бәйрәмнең беренче өлешендә бәйрәм белән якыннан таныштылар, ни өчен, кайчан, ничек һәм кайда үткәргәнлеге турында сөйләштеләр. Бәйрәмнең икенче өлеше ярышларны уздыру, бүләкләү һәм җыр-бию, котлаулар белән үрелеп барды. “Чүлмәк вату”, “Күз бәйләп бүләк кисү”, “Капчык киеп йөгерү”, “Кашыкка йомырка салып йөгерү” уеннары балалар өчен кызыклысы булды. Алар һәрбер уенда актив катнашып, көч сынаштылар, бер-берсе өчен җан атып тордылар. Җәйнең бер көне менә шулай балалар күңеленә гүзәллеге, яктылыгы белән кереп калды.