«Ата-ананы хөрмәт итүче кеше дөньяда —бәхетле, ахирәттә саваплы булыр. Никадәр бәхетле булсагыз да, бөек мәртәбәләргә ирешсәгез дә, ата-анагызны онытмагыз, нәсихәтләрен тыңлап, ризалыкларын алыгыз, мохтаҗлыкларын, кайгы-хәсрәтләрен җиңеләйтергә тырышыгыз! Ата һәм ананың ярдәмгә мохтаҗ чагы — картлык көннәредер. Бу чорда аларга аеруча хөрмәт күрсәтү тиешледер», — дигән Риза Фәхреддин. Әниләр турында бик күп сүзләр әйтелгән, әниләр турында бик куп җырлар язылган.

Әйе, җир йөзендә иң әйбәт, иң ягымлы, иң кадерле кешеләребезнең берсе – ул безнең әниләребез. Безне гел кайгыртып торучы, кечкенә генә шатлыгыбызны да зур итеп күрә белүче - әни. Без әниләребезне яратырга, хөрмәт итәргә, аларга һәрвакыт булышырга тиешбез!

Бүген әниләр көне бәйрәме уңаеннан безнең гимназиябездә зур концерт куелды.