Патриотизм тәрбияләү – укучыларда Ватан һәм үз халкы өчен горурлык, аның бөек батырлыкларына һәм үткәндәге лаеклы сәхифәләренә хөрмәт тәрбияләү буенча армый-талмый эшләү дигән сүз. Патриотизм шәхеснең рухи байлыгы булып тора һәм кешенең Ватан хакына кылган гамәлләрендә һәм эшчәнлегендә чагыла. Шул нисбәттән бүген 9 нчы сыйныф укучылары 78нче лицей нигезендә оештырылган “Н.Е.Жуковский һәм Ю. А. Гагарин исемендәге Хәрби-һава академиясе” вәкиле полковник Чалых Евгений Владимирович белән очрашуда катнаштылар. Әлеге шәхес белән очрашу укучылар күңелендә хәрби хезмәткә карата тирән кызыксыну уятты.