Җәйнең беренче көне җылылык, яктылык, мәрхәмәтлелек өстәүче бәйрәм - Балаларны яклау көнен илебездә, республикабызда, мәркәзебез Казанда зурлап үткәрәләр. Гимназиябездә үз эшчәнлеген уңышлы алып баручы "Татарстан варислар берлеге" балалар оешмасы активистлары да бу матур бәйрәм юнәлешенә кушылды. Казан кирмәне комплексы территориясендә укучыларыбыз иҗади утрау тәкъдим иттеләр. Монда төрле кул эшләре алып барылды: балалар сайланган шаблоннардан үзләренә сувенирлар эшләде,  "Безнең девиз - позитив!" дип аталган шаян тантамареска артында фотога төштеләр. Төп максатыбыз - күңелле һәм бәхетле балачак һәр сабыйда булырга тиешлеген өлкәннәрнең исенә төшерү иде. Һәм без максатыбызга ирештек дип уйлыйбыз!