Бүген гимназиядә “Юл  йөрү кагыйдәләре” дигән темага сыйныф сәгатьләре үтте.   Укучылар сыйныф сәгатендә юл йөрү кагыйдәләрен  үтәмәгәндә нинди күңелсез хәлләр килеп чыгарга мөмкин булуы турында сөйләштеләр. Урамда һәм юлда игътибарлылыкны арттырырга кирәклеге турында әйтелде. Юл йөрү кагыйдәләрен  тапкырлау  таблицасы  кебек  белергә кирәк!- дигән нәтиҗә ясалды.

Ел саен 3 сентябрьдә гимназиядә Терроризмга каршы көрәштә бердәмлек көне билгеләп үтелә. Әлеге дата 2004 елның сентябрендә Бесланда булган фаҗига белән бәйле. Бу көнне ил кайчан да булса безнең халык очрашкан террористик агрессия корбаннарын искә ала.Терроризмга каршы көрәштә бердәмлек көне үткәрү кысаларында гимназиядә сыйныф сәгатьләре узды. Әлеге чара балаларда мәрхәмәтлек, көчләүгә тискәре мөнәсәбәт тәрбияләү максатыннан оештырылды.

10 сентябрь көнне сәгать 11.00 гимназия бинасында (Казан шәһәре, Н.Назарбаев ур., 48) "ТАТАРЧА ДИКТАНТ” Бөтендөнья белем бирү акциясе узачак. Барлык теләүчеләрне әлеге чарада катнашырга чакырабыз.

Игелек һәм изгелек татар телендә бер тамырдан. Изгелек җыярга телибез икән, ясалма булмаган, чын күӊелдән игелек кылырга тиешбез. Шунлыктан, иӊ башта якыннарыбыздан башлап, һәрбер кешегә булган карашларыбызны яхшыга үзгәртеп, һәркемгә ихтирам белән карасак иде. Безнең СНТ активистларыбыз бүген “Игелек көне” акциясен башлап җибәрделәр.

Менә тагын җәйләр узды һәм сагынып көтеп алган 1 – сентябрь – Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә, укытучылар да. Иртәгәдән башланачак яңа уку елы да һәркемдә гел матур хатирәләр генә калдырсын. Хәерле сәгатьтә! Имин еллар, якты юллар сезгә!

18 августта "Чулпан"күңел ачу үзәгендә "Мәктәпкә җыенырга ярдәм ит" акциясе  үткәрелде. Аз керемле ,күп балалы гаиләләрдән булган 1нче сыйныф укучылары портфель һәм уку әсбаплары белән бүләкләнде.

Бүген, 14 августта, Казанның «Урам» экстрим-паркында Физкультурачылар көне билгеләп үтелә. Казан шәһәре спорт вәкилләрен хөрмәтләү тантанасында безнең гимназия актив рәвештә сәламәт яшәү рәвешен пропагандалаган өчен бүләк сертификаты белән бүләкләнде. Барлык коллективны лаеклы бүләк белән котлыйбыз.

Бүген Татарстан мәгариф хезмәткәрләренең республика август киңәшмәсе кысаларында Казанда яшь педагогларны "Укытучы" һөнәренә багышлау тантанасы узды. Яшь педагогларның ТР Мәгариф һәм фән министры Илсур Һадиуллин белән традицион очрашуы булды. 2021 елда уздырыла торган тантана үзенчәлекле, чөнки 150 яшь укытучы-булачак укытучыларны дефицитлы республика фәннәре буенча стипендия әзерләү буенча Республика проектының беренче чыгарылышы. Тантанада яшь педагогларга ТР Президенты мөрәҗәгате һәм һөнәри үсеш өчен әдәбият тапшырылды. Безнең гимназияне Яшь укытучылар Гафурова Э. в., Төхбәтова Э. М. тәкъдим итте.

БЕЗОПАСНОСТЬ ДЕТЕЙ

Единый телефон доверия

Главного управления МЧС России по Республике Татарстан: +7 (843) 288-46-96 

Единый  номер вызова экстренных служб с сотового телефона – 112

http://www.16.mchs.gov.ru – официальный Интернет сайт ГУ МЧС РФ по РТ