15 февраль көнне татар халкының бөек улы, каһарман шагыйрь Муса Җәлилнең туган көне.

М. Җәлилнең әдәби мирасы күп милләтле совет әдәбиятының кыйммәтле бер казанышы булып тора. Аның әсәрләре кешеләрдә матур, гуманистик тойгылар уята, аларны тормыштагы матурлыкны күрергә һәм шул матурлык өчен көрәшергә чакыра. Муса Җәлилнең исеме тарих битләренә алтын хәрефләр белән язылган, үзе үлсә дә, аның исеме, шигырьләре мәңгелек.

Бүген гимназиябездә каһарман шагыйрьнең туган көненә багышланган радиоэфир узды. Укучылар радио тыңлаучыларны шагыйрьнең иҗаты белән таныштырдылар, шигырьләрен сөйләделәр, җырлар җырладылар.

15 нче февраль көнне 9 нчы сыйныф укучылары Г. Камал исемендәге татар дәүләт академия театрында “Алаша” спектаклен карадылар.

Әлеге спектакльне Т.Миңнуллин исемендәге Түбән Кама татар дәүләт драма театры куйды.

Тирән эчтәлекле әсәр укучыларга бик ошады.

14 нче февраль көнне 2 нче а сыйныфында “Без туган телебезнең дуслары” исемле викторина узды. Укучылар ике төркемгә бүленеп, кызыклы биремнәр чиштеләр. Татар теле буенча белемнәрен сынадылар.

Табышмаклар чиштеләр, мәкальләрне аңлаттылар, җырлар җырладылар, татар халкының гореф-гадәтләре турында сөйләделәр.

Җиңүчеләрне билгеләү бик кыен булды. Нәтиҗәдә, дуслык җиңде. 

14 нче февраль көнне 2 нче “Б” сыйныфында Халыкара туган телләр көненә багышланган сыйныфтан тыш чара узды. Укучылар телләр турында кызыклы мәгълүматлар белделәр. Туган телебез – татар теленнән белемнәрен сынадылар.

Гимназиябездә туган телләр атналыгы башланып китте. Бүген 6 нчы сыйныф укучылары арасында рус теленнән викторина узды.

Укучылар рус теле белеме буенча кызыклы сорауларга җавап бирделәр, биремнәр чиштеләр.

Бәйге дуслык җиңү белән тәмамланды.

Бүген, 12 нче февраль көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүгенге дәрес ачыш ясаучылар, рус галимнәре исемнәре белән аталган географик атамалар темасына багышланган иде һәм «Ачыш ясаучылар» дип аталды.

Алдынгылар хәрәкәте гимназиябездә актив эшчәнлек алып бара. Һәр атна Алдынгылар Советы җыелышлар уздыра. Бу җыелышларда юнәлеш җитәкчеләре үткәрелгән чаралар һәм булачак бәйге, ярышлар турында сөйләштеләр, фикер алышалар.

Ә бүгенге җыелыш район бүлеге җитәкчесе белән берлектә узды.

Бүген  "Россия чаңгы юллары-2024" – Бөтенроссия массакүләм чаңгы ярышы узды. Әлеге акциядә гимназиябез укучылары да катнашты.

«Россия чаңгы юллары» Казанның һәр районында оештырыла. Вахитов һәм Идел буе районнарында яшәүчеләрне Горки-Әмәт урманында көтәчәкләр.

Узган ел ярышларда 22 меңнән артык казанлы катнашкан.

 Сәламәт яшәү рәвешен үз иткән барлык укучылар, урта һәм олы яшьтәгеләр генә түгел, ә кече яшьтәгеләр дә катнаша ала.

Алдынгылар хәрәкәте актив эшчәнлек алып бара. Төрле юнәлешләр кызыклы чаралар оештыралар.

9 нчы февраль көнне Сәнгать юнәлеше 4 нче сыйныфлар өчен “Зилант эзләре буйлап” квест-уены оештырдылар.

Укучылар гимназия буенча йөреп, төрле биремнәр үтәделәр, татар халкының мәдәнияте, фольклоры, ашлары, костюмнары белән таныштылар.

9 нчы февраль көнне “Россия Бөркетләре” берләшмәсендә шефлык итүче 6 нчы сыйныф кызлары башлангыч сыйныф укучыларына бию өйрәттеләр.

Укучылар вакытларын файдалы һәм кызыклы уздырдылар.