Балаларыбыз бүген ял иткән арада компьютерда интеллектуаль уеннар уйнадылар.

Лагерь көннәре дәвам итә. Бүген яңгыр яуды. Яңгыр  яуса да балаларга эчке якта да эш табылды. Чәчәк савытлары юдылар.

Эшләп аргач, балаларыбыз спорт мәйданында ял итәләр+

11 июнь көнне мәктәптә хезмәт һәм ял лагеры эшли башлады. Лагерьга10укучы йөри. Укучыларыбыз эшли - ял итәләр.  Бүген спорт мәйданчыгы тирәсенә чәчәкләр утырттылар. Тиздән яңа спорт мәйданчыгы эшли башлаячак.

Бүген  мәктәпне оптимизацияләү мәсьәләсе буенча авыл җыены булып узды. Җыенда район хакимияте башлыгы  урынбасары- Гәләутдинова Ләйсән Илгизовна, район башкарма комтеты урынбасары-  мәгариф бүлеге җитәкчесе- Ахметзянов Нияз Камилевич  , Суыксу авылы җирлеге башлыгы Низамиев Рамил Сәлимович катнашты. Ата-аналар үзләрен борчыган сорауларын җиткерделәр. Мәктәпне бер елга булса да урта мәктәп итеп калдыруларын сорадылар. 

Бүген барлык мәктәпләрдә дә балаларны яклау көне үткәрелә. Шул уңайдан безнең мәктәптә дә балалар сабан туе үткәрелде. Балалар рәхәтләнеп ял иттеләр.

Көтеп алган уку көннәре сизелми дә үтеп киттеләр. Укучыларыбыз өчен соңгы кыңгырау яңгырады. Бигрәк тә чыгарылыш сыйныф укучылары өчен бу көн гомерлеккә истә калачак. Аларны алда экзаменнар көтә. Барысына да хәерле юллар,   зур-зур уңышлар телисе кала. 

Ниһаять көннәр  җылытты, чәчәкләрне дә утыртырга  вакыт җитте. Мәктәп бакчасында эш кайный. Укучыларыбыз барысы да тырышып эшлиләр. Хезмәт дәресләрендә үсентеләрне җиргә күчереп утырталар. Бу эштә бигрәк тә 10  сыйныф укучылар актив. Тиздән бакчабыз аллы-гөлле чәчәкләргә  күмелер.  Барлык укучыларга да хезмәт куйган өчен рәхмәтебезне белдерәбез.

Бүген мәктәбебез укучылары һәм укытучылары катнашында балалар  сабан туе оештырылды. Бәйрәмдәге  уеннарда укучыларыбыз актив булды. ГТО нормалары буенча да көч сынаштылар. 

7 май көнне авылыбыздагы һәйкәл янында Бөек Җиңүнең 71 еллыгына багышланган тантаналы митинг узды. Митингта тыл ветераннары, сугыш чоры балалары, укучылар катнашты.  Укучыларыбыз  әдәби-музыкаль монтаж күрсәттеләр, ветераннарга чәчәкләр тапшырдылар.