Бүген безнең бакчабызда зур бәйрәм- бакча белән хушлашу кичәсе булып узды.Бакчабыздагы иң акыллы,иң тәртипле, зирәк кызларыбызны ,улларыбызны мәктәпкә озаттык.Кичә җыр, бию,шигырьләр белән үрелеп барылды.Балалар тәрбияче Зөлфия апалары белем иленә сәяхаткә бардылар. Зөлфия  апалары балаларга төрледән- төрле биремнәр биреп ,балаларның акыл эшчәнлекләрен тикшерде.Балаларның җитез,уңган ,булган икәнлекләренә шатланып беренче укытучылары Наилә Бәдриева  югары бәя бирде.Бакчабыз мөдире Алсу Фәләхиева  да балаларыбызга  үзенең насихәтләрен , теләкләрен әйтеп, мәгариф бүлеге  һәм иганәче Мәликә ханым Гельмутдинова тарафыннан бирелгән бүләкләрне тапшырды.Шулай ук балаларыбызга әти-әниләре дә үзләренең киңәшләрен ,хаер -фатихаларын җиткереп, балалар бакчасында эшләүчеләргә ихлас рәхмәтләрен әйтеп , бакчабызга рәхмәт йөзеннән матур курчаклар бүләк иттеләр. Ә без исә  әти-әниләргә мең рәхмәтле, Сезгә балалар ак юллар теләп калабыз.