Безнең Иске Җөри балалар бакчасы тәрбиячесе Зиннатуллина З.Р., Республикакүләм мәктәпкәчә белем бирү учреждениеләренең татар телендә белем бирүче тәрбиячеләре арасында үткәрелүче “Иң милли тәрбияче” бәйгесендә катнашып, II урынга ия булды. Ул бәйге комиссиясенә мәктәпкә әзерлек төркеме белән “Туган ягым - Теләче” шөгылен тәкъдим итте. Яңа инновацион технологияләрне (бизиөй) иң оста файдаланучы тәрбиче буларак жюри әгъзаларын үзенә җәлеп итте. Коллегабызны котлыйбыз һәм иҗади уңышлар телибез!

И туган тел, и матур тел, 

Әткәм-әнкәмнең теле...! - дигән бөек шагыйребез Габдулла Тукай. һәм ул мең тапкыр хаклы. 

Бүген Иске Җөри балалар бакчасында Г. Тукайның 135 еллыгына багышланган бәйрәм кичәсе үткәрелде.Бәйрәмнең максаты: мәктәпкәчә яшьтәге балаларда Габдулла Тукайның әсәрләренә, татар теленә, туган теленә, мәдәниятенә, сәнгатенә, гореф-гадәтенә мәхәббәт тәрбияләү. Балалар бүген Г. Тукайның "Су анасы" әкиятен сәхнәләштерделәр, шигырьләрен сөйләделәр,З.Туфайлованың "Тукай абый" җырын башкардылар, "Күбәләкләр" биюен башкардылар. 

       Безнең Иске Җөри балалар бакчасында бөек татар шагыйре Габдулла Тукайның 135 еллыгына багышлап үткәрелгән чаралар дәвам итә. Бүген тәрбияче Зиннатуллина З.Р. уртанчылар төркеме балаларын "Г.Тукай иҗаты" дип исемләнгән дидактик кулланма- лэпбук белән таныштырды. Уен  аша балалар Г. Тукайның тормыш юлын,  әсәрләренең сюжетларын искә төшереп, рәсемнәр буенча хикәяләр төзеделәр. Лэпбук яңа мәгълүматны тиз һәм нәтиҗәле үзләштерергә һәм өйрәнелгән теманы уен формасында ныгытырга бик ярдәм итә.

Бүген Иске Җөри балалар бакчасы тәрбиячесе Галиулина А.Н. балалар белән "Транспорт " темасына әңгәмә үткәрде. Әңгәмәнең максаты: балаларны транспорт төрләре һәм юл йөрү кагыйдәләре белән таныштыру. Балалар әңгәмә барышында рәсемнәр, уенчыклар аша төрле транспорт төрләре белән таныштылар.Шулай ук төрле дидактик һәм хәрәкәтле уеннар уйнап, белемнәрен ныгыттылар.

   Ана һәм бала! Бер берсенә алардан да якын җан ияләре табып буламы икән бу дөньяда? Ул сабыена ягымлы җылы назлы бишек җырлары көйли һәм шул җырлар аша баласына узенен изге теләкләрен өмет хыялларын җиткерергә омтыла. Бишек җырлары зур тәрбияви көчкә ия. Баланың теле ачылуда, зиһенен уятуда ин тәэсирле тәрбия чарасы булып тора. Бүген дә, Иске Җөри балалар бакчасында музыка җитәкчесе Зарипова Г. Х музыка шөгылендә бишек җырлары белән таныштыруны дәвам итте. Татар халкында бишек җырлары күп һәм төрле. Без бүгенге көндә дә бишек җырлары турында күбрәк белергә тырышабыз, аларның килеп чыгышын өйрәнүне дәвам итәбез.

12 апрель-кешелек яңа, космик чорга кергән көн, безнең бөек илебез  горурланыр өчен сәбәп. Бүген безнең балалар бакчасында космик бәйрәмгә карата танып-белү сәгате үтте. Аның максаты-мәктәпкәчә яшьтәге балаларны космос белән таныштыру, балаларның космос планеталары турында күзаллауларын киңәйтү һәм безнең илнең беренче космонавты Юрий Гагарин белән таныштыру иде.

Әбиебез сандыгында

Сакланмый ниләр генә    

Әйдәгез сорыйк үзеннән

Ачып күрсәтсен безгә.

   Бүген, 7 апрель көнне Иске Җөри авылы китапханәчесе Гильмутдинова Р. Ш.безнең коллективны кунакка чакырды һәм бакчабыз педагогы Галиуллина А. Н. белән берлектә мәктәпкәчә яшьтәге балалар белән танып-белү әңгәмәсе үткәрде, бергәләп татар халкының гореф-гадәтләре һәм борынгы әйберләрнең билгеләнеше турында сөйләделәр, балалар белән бергә әбиләребезнең осталыгына сокландылар. Аннан соң, балалар зур теләк белән"Түбәтәй" татар милли уенында катнаштылар. Балалар бик канәгать калдылар.

Бүген, 6 апрель көнне, Иске Җөри балалар бакчасында тәрбияләнүчеләр өчен янгын куркынычсызлыгы буенча онлайн чара оештырылды, анда Саба һәм Теләче муниципаль районнары буенча күзәтчелек эшчәнлеге районара бүлегенең өлкән инспекторы Тимерханов Ленар Марсель улы катнашты.Чараның төп максаты-балаланың янгын куркынычсызлыгы кагыйдәләрен искә төшерү , үзләрен коткару өчен гадәттән тыш хәлләрдә ничек эшләргә кирәклеген искәртү иде.

 Бүген,Иске Җөри балалар бакчасының тәрбиячесе Галимуллина Н.М. икенче кечкенәләр төркеме балалары белән «Милли татар ашлары» дигән темага әңгәмә үткәрде. Балалар туган як мәдәнияте, гореф-гадәтләре турында белделәр,төп милли ризыклар белән таныштылар.Тозлы камырдан бавырсак  ясарга өйрәнделәр.