Бүген бакчабызда "Мәктәпкәчә яшьтәге балаларга билингваль белем һәм тәрбия бирү алымнары" дигән тема астында белемнәрен күтәрү курсларында укучы тәрбиячеләр өчен республикакүләм семинар-практикум узды. Семинарда Саба, Теләче районнарыннан килгән тәрбиячеләр катнашып, семинар темасын яктырткан шөгыльләр карадылар, чыгышлар тыңладылар һәм үзара эш тәҗрибәләре белән уртаклаштылар.

   Бүген безнең Теләче 2нче балалар бакчасы тәрбиячеләре Юсупова Г.Ф., Зиннәтова И.Н. һәм мәктәпкә әзерлек төркеме белән зурлар төркеменә йөрүче балалар, Алан мәдәният йортында узган, республикакүләм "Халкыбыз йолалары- илебез җәүһәрләре" бәйгесенең финал этабында катнашты. Алар "Бала карау" йоласы күренешен күрсәтеп, II дәрәҗәле Дипломга лаек булдылар. Педагогларны һәм балаларны бу уңышлары белән чын күңелдән котлыйбыз!

 Теләче 2нче балалар бакчасында тәрбиячеләр ЮХИДИ хезмәткәрләре һәм ДБУның Казан шәһәре территориаль идарәсенең профилактика бүлеге Саба районы бүлеге начальнигы Ягъфәрова Г.Н. белән берлектә язгы каникуллар алдыннан "Игътибар, балалар!” профилактик чаралар үткәрәләр. Белгечләр балаларга куркыныч хәлгә эләкмәс өчен юлда үзләрен ничек дөрес тотарга кирәклеген искәртә.

Бу атнада шул уңайдан өлкән төркем балалары белән юлларда куркынычсызлык кагыйдәләрен үтәү турында сөйләшүләр үткәрелде. Балаларга көйләнә һәм көйләнми торган урам чатларында җәяүлеләргә юлны ничек дөрес чыгарга, ни өчен яктылык кайтаргычлар кияргә кирәклеге һәм башка күп нәрсәләр турында сөйләделәр. Балалар юл хәрәкәте кагыйдәләрен никадәр яхшы белүләрен күрсәтеп биремнәр үтәделәр һәм «Сакла» интернет-порталында мультфильмнар карадылар.

  21нче март көнне безнең Теләче 2нче балалар бакчасы базасында мәктәпкәчә белем бирү учреждениеләре тәрбиячеләре һәм башлангыч сыйныф укытучыларының методик оешма җитәкчеләре өчен “Балаларны туган (татар) теленә өйрәтү буенча балалар бакчасы һәм мәктәп арасында дәвамчанлык" темасына район күләм семинар булып узды. Семинар барышында балалар катнашында төрле чаралар күрсәтелде һәм семинарның төп темасын яктырткан чыгышлар ясалды. Семинар азагында  “ачык микрофон” форматында тәрбиячеләр һәм башлангыч сыйныф укытучылары үзара фикер алыштылар.

Милые женщины!

10 февраль көнне Югары Кибәхуҗа урта мәктәбендә Гомумроссия мәгариф профсоюзының Татарстан республика оешмасының җыелышы үтте. Биредә Теләче районына караган белем бирү оешмаларының профсоюз җитәкчеләре, мәктәп директорлары белән урынбасарлары һәм балалар бакчалары мөдирләре катнашты. Теләче 2нче номерлы балалар бакчасы мөдире Хәсәншина Фәридә Фәннүр кызы “Социаль партнерлыкны үстерү” буенча актив эшчәнлек өчен гомумроссия мәгариф профсоюзының Татарстан республика оешмасының рәисе И.Н. Проценконың мактау грамотасы белән бүләкләнде. Котлыйбыз!

Бүген безнең балалар бакчасының уртанчылар төркеменә йөрүче Аухадиева А. һәм мәктәпкә әзерлек төркеменә йөрүче Ханафиева Д. Теләче беренче номерлы балалар бакчасында узган «Нәни энҗеләр» район бәйгесендә катнаштылар. Кызлар икесе дә бәйгедә уңышлы чыгыш ясап, төрле номинациядә уңышка ирештеләр. Әфарин, балалар!