15 май  көнне мәктәптә “Универсиада көне” үткәрелде. Укучылар һәм укытучылар  төрле спорт ярышларында көч сынаштылар.

8 класс укучысы Хайруллин Риназ  җиңел атлетика буенча Республика   ярышларында  400 метрга барьер аша   йөгерүдә 1 урын, 400 мерт йөгерүдә 2 урын алды.Котлыйбыз!

8 май көнне һәйкәл янында Бөек Җиңүнең 68 еллыгына багышланган митинг узды. Ветераннарыбызны котлау өчен укучылар чыгыш әзерләгәннәр иде. Бәйрәмне химия, биология укытучысы Абдуллина Ф.М. алып барды. Бәйрәм бик эчтәлекле һәм истә калырлык булып үтте.

Җиңел атлетика ярышларында мәктәп командасы  район күләмендә  3 урын, кросс   ярышларында 2 урын  алды. Котлыйбыз!

9 нчы сыйныф укучылары (җитәкчеләре Вилданова Л.Р.) һәйкәл янын даими җыештырып тордылар, Бөек Җиңү көненә матур гөлләр утырттылар, парад өчен гирлянда әзерләделәр.

Бүген Габдулла Тукайның 127 еллыгына багышлап “Тукай әкиятләре күңелләрдә” дигән әдәби кичә үтте. 5-8 класс укучылары Г.Тукайның шигырь һәм әкиятләрен сәхнәләштерде. Бәйрәмгә балалар бакчасында тәрбияләнүчеләр дә килде. Кичә бик җанлы һәм күңелле үтте.

25 апрель  көнне  Парламент дәресләре үтте. Бу дәрес  Татарстан Республикасының Конституциясе кабул ителүенә 20 ел  тулуга  багышланган  иде.Укучылар ТРның символикасы турында сөйләштеләр, яңа гимн тексты белән таныштылар һәм аны җырлап карадылар.Дәресләрдә авыл җирлеге депутатлары катнашты.

22 апрель көнне мәктәптә халыкара Җир көне  үтте. Химия биология укытучысы  Абдуллина Ф.М. укучыларны  табигать хартиясе белән таныштырды. Музыка мәктәбе укучылары табигатькә багышланган җырларын укучыларга бүләк иттеләр.

20 апрель  көнне    мәктәп укучылары өмәгә чыкты. Мәктәп территориясен  җыештырдылар, алмагачларны агарттылар.

20  апреля наши ученики ездили на  экскурсию  в железно-дорожный вокзал города Набережных Челнов