Казан дәүләт аграр университеты – Татарстан Республикасының аграр промышленность комплексына югары квалификацияле белгечләр әзерли торган әйдәп баручы федераль  дәүләт бюджетындагы югары һөнәри белем бирү учреждениесе вәкиле чыгарылыш сыйныф укучыларын үзләренең уку йортына укырга килергә өндәде.

Мәктәбебездә студентлар белән очрашу кичәсе үткәрелде. Мәктәпне тәмамлап киткән укучылар  турында презентацияләр, видеоматериаллар күрсәтелде. 

28 гыйнвар көнне Самигуллина Ч.Ф. «900 дней героической обороны Ленинграда» темасына класс сәгате, Замалиева М.Я. «Битва за Ленинград» темасына класс сәгате,  Хамидуллина Р.М. «Мухамедзянов Исмагил Мухамедзянович сражался за Ленинград» темасына класс сәгате,  Файзиева Г.М. белән Вильданова Р.Я. «70 лет прорыву блокады Ленинграда» темасына класс сәгате үткәрделәр. Шулай ук коридорда «Наши земляки сражались на Ленинградском фронте» исемле күргәзмә куелды. Музейда батырлык дәресе үткәрелде.

Мәктәбебезнең спикеры Гараева Алсу, вице-спикеры Гильмутдинова Алсинә,  белем, мәгълүмат  комитеты җитәкчеләре -  Шайдуллина Рузилә,Габделбәрова Рузиләләр 1-10 класслар арасында “Портфель” операциясе үткәрделәр. 

Кыш көне кошларга ризык табуы авыр. Безнең мәктәп укучылары кошлар өчен җимлекләр ясадылар. Җимлекләрне теләсә нинди материалдан ясарга була: кәгазь тартмалардан, пластик шешәләрдән, фанерадан. Без кошларга бодай, көнбагыш, тары, ипи кисәкләре салабыз. Алар шатланышып, без ясаган җимлектән, үзләренә ошаган ризыкны чүплиләр. Кошлар безнең дусларыбыз!

Сагынып көткән кышкы каникуллар килеп җитте. Каникулларны  кайбер укучылар шәһәрдә үткәрделәр, театрларга, киноларга бардылар. Өлкән класс укучылары библиотекага барып китаплар сайладылар. 

Кышкы каникуллар вакытында, 4-6 нчы январьга кадәр,  YII нче Яшь гражданнар форумында безнең мәктәпнең Вице-спикеры Гильмутдинова Алсинә, социаль яклау комитеты җитәкчесе Галимова Чулпан делегатлар булып катнаштылар. Алар төрле  юнәлешләр буенча эшләүче комитетларда катнашып балалар оешмаларының проблемаларын өйрәнделәр, проектлар өстендә эшләделәр.

Безнең мәктәп укучылары Изге Болгар җире аша узган “Сочи – 2014 Олимпия Уты эстафетасы тантанасында катнашты. Ул Ут 2014 нче елның февраль аенда Сочи шәһәрендә узачак олимпиадада  балкып янып торачак. 

28 нче декабрь көнне районның мәдәният йортында актив, яхшы укучылар өчен Яна ел бәйрәме үткәрелде. Безнең мәктәптән бәйрәмдә Гараева Алсу белән Габдулбарова Рузилә катнаштылар. Бу укучылар төрле конкурсларда, олимпиадаларда, конференцияләрдә даими рәвештә  катнашалар. Аларга акчалата бүләк һәм яңа ел бүләге тапшырылды. Афәрин, кызлар!

28 нче декабрь көнне мәктәптә Яңа ел бәйрәме үткәрелде.