Уважаемые родители! В разделе оценка качества оказания услуг Вы можете оценить условия оказания образовательных услуг в лицее по следующим критериям:

Комфорт и санитарно-гигиеническое состояние помещений

Доброжелательность и вежливость работников

Легкость получения информации о работе организации и ее точность

Легкость записи для получения услуги и своевременность ее оказания

Доступность для инвалидов

27 нче апрельдә мәктәптә “Бөек шагыйрь” исемле чара, брейн-ринг үткәрелде. Чарада 6 нчы А һәм 6 нчы Б сыйныфы укучылары көч сынашты. Укучылар әлеге чараның эчтәлеге буенча ныклы белемле булуларын исбатладылар. Шагыйрьнең тормышы һәм иҗаты буенча сорауларга эчтәлекле, тирән җаваплар бирделәр. Г.Тукайның кайбер әсәрләре буенча рольле диалог коруда осталыкларын күрсәттеләр.

24 нче апрель көнне лицейда «Татарча диктант» акциясе  үткәрелде. Быел ул Г.Тукайның тууына 140 ел  булуга багышланды. Акциянең максаты – татар телен саклау, грамоталылык дәрәҗәсен күтәрү, татар телен өйрәнүгә кызыксыну уяту. Акция татар халкының туган телен, мәдәниятен һәм гореф-гадәтләрен саклау һәм үстерү бурычын үтәүгә юнәлтелгән. Лицей укучылары һәм хезмәткәрләре диктант язуда катнаштылар, үзләренең грамоталылык, дөрес язу дәрәҗәсен тикшереп карадылар.

24 нче апрельдә лицейда “Г.Тукайның тууына 140 ел” планы нигезендә “Без Тукай шәкертләре” исемле әдәби кичә узды. Чарада 3, 5, 6 нчы сыйныф укучылары катнашты. Сәхнәдән Г. Тукай  шигырьләре һәм җырлар яңгырады. Укучылар шагыйрьнең “Кәҗә белән Сарык”, “Су анасы”, “Эш беткәч уйнарга ярый” һ.б. әсәрләрен сәхнәләштереп күрсәттеләр. Шулай ук татар җырларына нигезләнеп, 6 нчы сыйныф укучылары биюләр башкардылар, ә 6 нчы А сыйныфы укучысы Насибуллина Лейлиның моңлы итеп халык җырын башкаруы күңелләргә үтеп керде.

Башлангыч сыйныф укучылары апрель аенда “Әкиятләр иле”нә сәяхәт  тоттылар. Г.Тукай иҗатыннан әкиятләр карадылар, аларны анализладылар, “Г.Тукай әкиятләре нәрсәгә өйрәтә?” соравына җавап эзләделәр.

 “Г.Тукайның тууына 140 ел” планы нигезендә 17 нче апрель көнне мәктәптә викторина уздырылды.  Чарада 6 нчы сыйныф укучылары үзара көч сынаштылар. Укучылар Г.Тукайның тормыш юлы, иҗаты турында белемнәрен күрсәттеләр. 5 нче сыйныф укучысы башкаруында музыкаль әсәрләр дә яңгырады.

13  нче апрель көнне “Г.Тукайга-140” айлыгы кысасында мәктәптә”Без -Тукай оныклары” исемле чара  үткәрелде. Чарада башлангыч сыйныф укучылары үзләренең иҗади эшләре белән чыгыш ясадылар. Г.Тукайның әсәрләре буенча эшләнгән кроссворд, табышмаклар, “Кайсы әсәрдән?”,  “Геройларны табыгыз” кебек эшләр аша, Г.Тукай иҗатын белү буенча белемнәрен күрсәттеләр.

Апрель аенда башлангыч сыйныф укучылары Г.Тукай иҗаты белән танышуны дәвам иттеләр.  Шагыйрь әсәрләренең сүзләренә иҗат ителгән җырларны тыңладылар, өйрәнделәр һәм  кушылып җырладылар.