Безнең укытучылар Кәлимуллина Г. А. һәм Шәрифҗанова А. А. "Ел укытучысы" бәйгесендә катнашалар. Аларга уңышлар телибез!"

11 гыйнвар - Халыкара "Рәхмәт" көне
Рәхмәт сүзләре тылсымлы көчкә ия, чөнки кешеләр алар ярдәмендә бер-берсенә уңай эмоцияләр, шатлык, игътибар бирәләр. Шуңа күрә, психологлар киңәш итә, аны мөмкин кадәр ешрак әйтергә.

Күп кенә шәһәрләрдә Бөтендөнья "рәхмәт" көнендә ярминкәләр үткәрелә, белем бирү акцияләре, конкурслар һәм башка бик күп күңел ачу чаралары оештырыла.
Бүген 1 нче сыйныф укучылары акция оештырдылар.Балалар рәсем ярдәмендә "Рәхмәт" дигән тылсымлы чәчәк үстерделәр һәм бер-берсенә бүләк иттеләр.

Өлкән сыйныф укучылары өчен яңа ел кичәсе үтте! КВН, караоке, музыкаль номерлар, дискотека!

Яңа ел бәйрәме башлангыч сыйныфларда. 4 нче сыйныф укучылары Яңа ел маскарады өчен кызыклы чыгыш әзерләделәр.

Яңа ел бэйрэме - урта сыйныфларда.Җаваплы сыйныф -7 сыйныф.

Кышкы каникуллар-көтеп алынган бәйрәмнәр һәм көннәр. Яшел чыршы тирәли уеннар, күңел ачулар урамда һәм табигатьтә балалар күңелендә озак саклана. Әмма шуны да онытмаска кирәк: нәкъ менә бәйрәм көннәрендә өйдә, урамда һәм кунакта көтелмәгән куркыныч хәлләрне көтәргә мөмкин. Аларны булдырмас өчен яки куркынычны мөмкин кадәр киметү өчен 1 нче сыйныфта «кышкы каникуллар вакытында минем куркынычсызлык " дигән темага сыйныф сәгате үткәрелде. Анда балалар Яңа ел бәйрәмнәрендә үз-үзеңне тоту һәм янгын куркынычсызлыгы кагыйдәләре буенча инструктаж уздылар, пиротехниканы куллану кагыйдәләре һәм комендант сәгате турында закон белән таныштылар, кышкы чорда һәм бозлавыкта юл йөрү кагыйдәләрен искә төшерделәр. Чара ахырында видеоролик карадылар.

Бүген Кыш Бабай һәм Кар Кызы балаларны Яңа ел бүләкләре белән сөендерделәр

Бишенче сыйныф укучылары Кыш Бабай остаханәсендә мәктәп чыршысы өчен кулдан ясалган уенчыклар әзерлиләр