Истәлекле көн алдыннан Петровка Завод урта мәктәбе яшьармиячеләре якташыбыз, әфганчы Садыйков и. А. истәлеген искә алдылар.

2021 елның 15 февралендә Әфганстан гаскәрләрен чыгарганга 32 ел була. Россиянең истәлекле датасы – сугышчы-интернационалистларны искә алу көне. Бу истәлекле дата алдыннан Петровка Завод урта мәктәбенең Яшь армиячеләре Әфганстанда һәлак булган сугышчы-интернационалист Садыйков Илшат Әбугар улының каберен һәм якыннарын чистарттылар. 1989 елның 15 февралендә 9 ел дәвам иткән сугыш тәмамлана. Сугыш аларның тарихында мәңгелек эз калдырып, күп кенә гаиләләрнең язмышларын үзгәртте.
 

Бүген безнең мәктәп базасында тәрбия өлкәсендә һәм өстәмә белем бирү өлкәсендә эшләүче педагогик хезмәткәрләрнең "Кеше тәрбияләү - 2021" Бөтенроссия һөнәри осталык конкурсының муниципаль этабы узды. Безнең мәктәп укытучысы педагог оештыручы Муллина А. Д.призер булды.

2021 нче ел Татарстанда туган телләр һәм халыклар бердәмлеге елы уңаеннан МБГББУ "Петровка завод урта гомуми белем бирү мәктәбе"нең 7 нче сыйныф укучылары арасында "Картлар акылы- мәкальләрдә" уены оештырылды. Укучылар мәкальләрне дәвам итү ярышында катнаштылар. Татарча мәкальләр буенча үзләренең белемнәрен күрсәттеләр.

2021 нче ел Татарстанда туган телләр һәм халыклар бердәмлеге елы уңаеннан  мәктәбебездә төрле чаралар үткәрелә. 2 -3 нче сыйныф укучылары белән татарча мультфильмнар карау оештырылды. Г.Тукайның "Сөткә төшкән тычкан", " Эш беткәч уйнарга ярый","Бала белән күбәләк" шигырьләре буенча төшерелгән мультфильмнар карадылар.
Әсәрләрнең балаларны нәрсәгә өйрәтүе турында сорауларга жавап бирделә

Безнең мәктәп укучылары һәм ата-аналар " Ата-аналар йөрәге,уян!»  милли ата-аналар ассоциациясе тарафыннан үткәрелә торган чарада актив катнашалар . Акциянең асылы-ата-аналарга балалар белән күбрәк вакыт үткәрү, гади, әмма бик мөһим гаилә эшләре алып бару, аралашырга өйрәнү мөмкинлеге табу.

Татарстан Республикасы Президенты Р. Н.Миңнеханов йөкләмәсе буенча 2013 елдан «Ана теле» Татар телен дистанцион укытуның уникаль проекты эшли. «Ана теле» проекты Татарстан Республикасында һәм чит илләрдә яшәүче барлык теләүчеләрне татар теленә өйрәтүгә юнәлтелгән. Укыту бушлай һәм өч телдә (инглиз, татар, рус) алып була.

Мәктәптә "Баланың сәламәт яшәү рәвешен формалаштыруда гаиләнең роле"дигән темага сыйныфларда ата-аналар җыелышлары узды.Ата - аналар җыелышы барышында йомгаклау аттестациясенә әзерлек мәсьәләләре, ГДИ һәм БДИга әзерләнү-диагностик тест үткәрү нәтиҗәләре буенча фикер алыштылар.Ата-аналар алдында патронаж шәфкать туташы Андрова Ф.Р., Хәсәншина Г. М. профилактик чаралар һәм коронавируска каршы  вакцинацияләү турында сөйләделәр. Мәктәп директоры Нуртдинов Р.Р. ата-аналарны беренче яртыеллык нәтиҗәләре белән таныштырды.

Ленинградны фашист блокадасыннан тулысынча азат итү көне уңаеннан,  вожатыйлар отряды мәктәп музеена экскурсия үткәрде.

Бөек Ватан сугышы башлангач, хәрби сафка өлкән ир-атлар һәм хатын-кызлар гына түгел, Ватанны саклауга меңләгән малай һәм кыз  күтәрелде. Яшүсмерләр  көчле ир-атларга  да хас булмаган эшләрне башкардылар. Бу вәхшәттә алар белән нәрсә  җитәкчелек иткән. Маҗараларга тартылу мы? Ил язмышы өчен җаваплылык мы? Фашистларга каршы нәфрәт ме? Мөгаен, барысы да бергә дер. Алар чын батырлык эшләделәр. Вожатыйлар башлангыч сыйныф укучыларына пионер – геройларның батырлыгы, сугыш елларында аларның авыр язмышы турында сөйләделәр.

Буген мәктәптә 6 нчы сыйныф укучыларының Блокадалы Ленинград халкы Бушуева Зинаида Григорьевна, Хомякова Галина Владимировна белән онлайн очрашуы оештырылды. Очрашу ютуб платформасында 14.00 сәгатьтә узды. Укучыларга Сугыш дәһшәтләрен үз күзләре белән күргән кешеләр  уткән көннәр, вакыйгалар турында сойләделәр

Укучылар һәм ата-аналар "Минем гаиләм белән бергә уткәргән яллар" республика акциясендә актив катнаштылар""