Артышлы тауга сыенган 

Туган авылым Шытсуым.

Кайларда гына булсам да

Онытылмас  җир - суың.

"Җиңү алып килгән яз"  атналыгында, балаларның җиңү бәйрәме турындагы белемнәре киңәйтелде. Шигырьләр, җырлар өйрәндек, презентацияләр  карадык. " Бәйрәм салюты"- балалар рәсемнәреннән күргәзмә оештырылды." Кирәкми безгә сугыш!"- дигән балалар иртәсе үткәрелде.

                          " Кирәкми безгә сугыш!"

Кирәкми безгә кан кою,

Кирәкми безгә сугыш!

Безнең теләк якты, матур,

Тыныч хезмәт һәм тормыш.

2 нче май көнне бакчабызда      өмә үткәрелде.

Бакчабызда  экология айлыгы бара. Балалар табигать кочагында  матур итеп рәсем ясадылар.

Матур җәй кил безгә

Кил, кил, кил, тизрәк син безгә.

Гөлләр белән бизәп җирне

Чәчәкләр бир син безгә.

"Май  чүлмәге - тышыннан, булыр кеше - эшеннән"     дигәндәй 27 апрель шимбә көнне, безнең бакча хезмәткәрләре тирә - якны чистартуда актив катнаштылар.

Балалар бакчасы хезмәткәрләре һәм әти-әниләр арасында балаларны яклау һәм сәламәтлекләрен саклау эше буенча төрле җинаятьләрне булдырмау максатыннан аңлату эшләре алып барылды.

Бүген - бәйрәм! Татар шигърияте күгендә балкып янган иң зур йолдызыбыз - бөек Тукаебыз туган көн бүген. Безнең бакчабызда да   башлангыч сыйныф укучылары белән берлектә ,Тукай туган көнгә багышланган әдәби - музыкаль кичә үткәрелде. Балалар Тукайның тормыш юлына багышланган презентация карадылар, шигырьләрен сөйләделәр, җырларын җырладылар.

Яз килә җиргә, яз килә,

Җыр, шигырь булып.

Тирә -юньне моңга күмеп,

Тукайлы булып. 

                                  Юк, үлмәдең, Тукай, син мәңге яшь,

                                  Син мәңгегә безнең арада.

                                    Мәңге колач, шат шигырьләреңнән

                                   Туган халкың көдрәт, көч ала. 

Әйт әле ,Күбәләк,

Сөйләшик бергәләп:

Бу кадәр күп очып

Армыйсың син ничек?

                                          Мин торам кырларда,

                                            Болында, урманда;

                                            Уйныймын, очамын

                                            Якты көн булганда.               

Район күләмендә уздырылучы " Шигырьләрдә күңел     канатлары" дип исемләнүче конкурста безнең бакчадан Хидиятуллин Гадел дә катнашты. Ул шигырь һәм мәсәл жанрларындагы  әсәрләрне сәнгатьле һәм матур итеп башкарды.

Җиһанда яз хакимлек итә. Табигать матурлыгына ияреп безнең бакчада да " Экология айлыгы" бара. Балалар матур итеп туган ягыбызга кайтучы кошларны каршы алдылар. Тирә - ягыбызны чистарту эшендә дә  бик актив катнаштылар.

И күңелле җәй көнендә -

Табигать кочагында!

Менә шуны истә тоту

Кирәктер шул чагында!

Агачларны сындырмагыз,

Кош оясын ватмагыз,

Суларны да пычратмагыз,

Пыяла, чүп атмагыз.

Эссе чакта, коры чакта

Урманда ут якмагыз.

Табигать ул - безнең әни,

Табигатьне саклагыз!