Дөньяда бик күп төрле һөнәр бар. Менә шушы һәнәрләр белән балаларны  атна дәвамында таныштыру эше алып барылды. Мәкальләр өйрәндек, шигырьләр укыдык.Алган белемнәребезне тагын да ныгыту максатыннан экскурсияләргә дә бардык.

Балачакны ташлап китәр чаклар

Сизелми дә килеп җитәчәк.

Балачаклар кире кайтмас

Алда юллар сезне көтәчәк.

Алда юллар - кайсын сайларга?

Төрле уйлар баштан үтәчәк.

Дөрес юллар сайлаганда гына

Көтәр сезне матур киләчәк.

Атна дәвамында балалар белән күк җисемнәрен, планеталарны, космонавтларны өйрәндек. Рәсемнәр ясадык, кисеп ябыштырдык, әвәләп тә карадык..

Барган җирдән тукталам да

Күк йөзенә карыйм мин,

Бик озак итеп карыйм мин,

Ниләр барын таныйм мин.

                     Юк дисеңме, ышанмыйсың,

                     Ялганлый, дип көләмсең?

                     Исемнәрен белмәсәң дә,

                    Җисемнәрен күрәсең.

Бакчабызда космонавтика көненә багышланган балалар иртәсе үткәрелде. Шигырьләр сөйләнде , җырлар җырланды, табышмаклар әйтелде. Кичә бик күңелле үтте.

Күктәге йолдызларны

Тизрәк тотасы килә.

Галәмдәге серләрне

Бик тиз беләсе килә.

1961 елның 12 апрелендә, дөньяда беренче буларак, бортына кеше утырган " Восток" космик корабле җир тирәли орбитага чыгарылды. Бу кеше - очучы космонавт Ю. А. Гагарин. Балаларны аның тормыш юлы белән таныштырылды.Презентацияләр каралды.

Китапханә ул - серле дөнья. Балаларны  кечкенәдән үк китапханә белән таныштыру, аларда  китапка карата  мәхәббәт тәрбияләү  максатында  үткәрелә.

Авылыбыз  китапханәсендә бик күп еллардан бирле Загидуллина Вәсимә апа эшли. Китапханәбез бик матур. Вәсимә апа балаларны яңа китап- җурналлар, әкиятләр белән таныштырды. Укылган әкиятләр буенча викторина үткәрелде.

30 нчы март көнне кошлар көненә багышланган балалар иртәсе үткәрелде. Балалар кошларга багышланган шигырьләр сөйләделәр, рәсемнәр ясадылар.

Бөре чуклары белән

Сыерчыклары белән

Яз килә, яз килә

Яз ишекләрдән керә

Яз тәрәзәдән керә.

Яз кошлар белән кайта, 

Язны һәркем ярата.

28 нче март көнне  " Карга боткасы" үткәрелде. Олысы - кечесе бергәләп ботка өчен җыеп алынган дөге, тары, карабодай, май, сөт, йомыркаларны туплап зур казан астылар.

Карга  әйтә карр,карр,

Туем җитте, барр, барр?

Ярма , күкәй алып бар,

Сөт- маеңны алып бар,

Ипи- итен алып бар

Карр,карр,карр!!

Ботка ашап, самовардан тәмле үлән чәйләре эчеп, тәм -томнар ашап сыйландык.

Рәхәтләнеп җырлап, шигырьләр сөйләп күңел ачабыз.