Бу атна "Хәрәкәттә- бәрәкәт" атналыгы булды. Балалар белән шигырьләр, җырлар , матур - матур биюләр өйрәндек.Авылыбыз фельдшеры белән очрашу үткәрдек. Ул спортның ни өчен кирәк булуын, кеше организмына нинди файда китерүе турында сөйләде.

Бигрәк шаян инде без,

Тик тормыйбыз бер дә без.

Кулларны күтәрәбез,

Аннары төшерәбез.

Чүгәлибез, торабыз,

Башны уңга борабыз

                                              Аннан сулга карыйбыз

                                              Һәм сикерә башлыйбыз.

                                              Шул арада иелеп,

                                              Басарга өлгерәбез.

                                             Тирән итеп сулыйбыз ,

                                            Ял итәргә туктыйбыз.           

Ачылды ак калын юрган,

Исә язгы җилләр дә,

Без кайтабыз сагындырган

Туган үскән җирләргә.

Көннәрне юлда үткәреп,

Куанышып сезгә очтык,

Канатларга күтәреп,

Сезгә яз алып кайттык.

Көннәр аяз, күктән алсу

Нур сибеп кояш көлә,

Җиргә тама көмеш тамчы,

Сагынып көткән яз килә!

 Гөрләвекләр агалар,                

Күктә кояш елмая.        

Каңгылдашып торналар,  

Төзелеп үтте бая.                

Инешләрдә коена                 

Канатланып үрдәк, каз.         

Җирне яшәртеп безгә,           

Гөлләр алып килә яз.             

Елгада бозлар кузгалды,

Елмая, көлә кояш.

Урамнар буйлап атлады

Ямьле һәм күңелле яз.

Минем әни бу дөньяның

Иң чибәре, сылуы.

Нинди бәхет-

Һәр баланың

Үз әние булуы.