Бүген 1 июнь- Балаларны яклау көнендә Тимершык урта мәктәбендә "Шатлык " лагере үзенең эшен башлап җибәрде. Рус теле һәм әдәбияты укытучысы Валиева Г.Р. үткәргән  "Веселая грамматика"  барлык укучылар өчен дә файдалы һәм кызыклы булды. Лагерь ачылышы тантаналы төстә үтте.Татарстан гимны астында уку елын гел "5" ле билгеләренә генә тәмамлаган Фазылова Сөмбел һәм Хаҗиева Зәлинә флаг күтәрделәр.Укучылар отрядларга бүленеп исем, җыр, девиз сайлады. 

21-22 нче май көннәрендә 2001-2002 нче елгы укучылар арасында Саба муниципаль районы беренчелегенә "Күн туп" ярышлары булып үтте. Бу ярышта безнең мәктәп командасы 2 нче урынны яулады. Котлыйбыз! Җитәкчеләре Шамил Хасановичка рәхмәтебезне белдерәбез.

Бүген, ягъни 19 май көнне пионер оешмасы барлыкка килүгә 90 ел тулды. Бу бәйрәм безнең мәктәптә истәлекле очрашу буларак билгеләп үтелде. Мәктәбебезгә төрле елларда өлкән пионервожатый булып эшләгән Вәрәкыя апа, Зөлхәбирә Тимерхановна, Тайфә Габдрахмановна, Гөлнар Илдаровналар чакырылган иде. Алар үзләренең истәлекләре белән уртаклаштылар, 5 нче сыйныф укучыларын варислар сафына кабул иттеләр.

8 май көнне без авылыбыз уртасында урнашкан обелискка венок салдык, яу кырында ятып калган авылдашларыбызны бер минут тынлык белән искә алдык. Һәйкәл каршында укытучыбыз Рәмзия Заһировна чыгыш ясады. Аннары бәйрәм мәдәният йортында концерт белән дәвам итте. 

Бөек Җиңү көне якынлаша. Быел илебез бу зур бәйрәмне 67 нче тапкыр билгеләп үтәчәк. Еллар үткән саен Җиңү көненең мәгънәсе, әһәмияте тирәнәя бара кебек. Бүген Айдар Хәнифуллович җитәкчелегендә бер төркем укучылар "Сугыш кайтавазы" дип аталган чыгыш күрсәттеләр.

Бүген тарих һәм җәмгыять белеме укытучысы Фазылова Гөлнара Җәүдәтовна 8 нче сыйныф укучылары белән тарих фәненнән ачык дәрес үткәрде. Дәрестә  XIX  гасырның икенче яртысында татар һәм рус мәдәнияте, архитектурасы, музыка һәм театр сәнгате, халык иҗаты турында бай мәгълүматлар бирелде.

Мәктәбебездә тарих һәм җәмгыять белеме атналыгы башланды. Бүген республика күләмендәге бәйгеләрдә урыннар яулаган укучылар үзләренең эшләре белән мәктәп укучыларын һәм укытучыларын таныштырдылар. 3 нче сыйныф укучысы Дәүлиев Әлфис, 8 нче сыйныф укучылары Заһидуллин Искәндәр, Гарифуллина Илсинә, Фазылова Зәринәләрнең эшләрен зур кызыксыну белән тыңладылар. Бу чара башка укучыларны да фәнни эшкә җәлеп итүдә нәтиҗәле булыр дип ышанасы килә.

28 апрель көнне мәгариф хезмәткәрләре арасында волейбол буенча район ярышы үткәрелде. Безнең укытучыларыбыз быел кабат беренчелекне яуладылар. Команда составында уйнаган түбәндәге укытучыларны чын күңелдән тәбрик итәбез һәм алга таба да уңышлар телибез: Биктимиров А.Г., Фазылов Р.М., Шакиров Ш.Х., Гараев И.Г., Хаҗиев А.Х., Михайлова Н.Ә., Закирова Г.Р., Гарифуллина М.М., Вәлиева Г.Р. МОЛОДЦЫ!

27 апрель көнне КФУ да Л.Н.Гумилевның 100 еллыгына багышланган республикакүләм фәнни-гамәли конференция үткәрелде. Анда безнең мәктәпнең 8 нче сыйныф укучысы Фазылова Зәринә катнашып, уңышлы гына чыгыш ясады (укытучысы Фазылов Р.М.)

Кичә Тимершык мәдәният йортында укучылар көче белән "Балачакның гүзәл бер киче" дип аталган концерт куелды. Авылдашларыбыз, әти-әниләр укучыларның чыгышларын алкышларга күмделәр. Талантлы укучыларыбызга, аларны тәрбияләп үстергән әти-әниләргә, укытучыларга зур рәхмәтебезне белдерәбез!