Шекше төп мәктәбендә 3нче чирек нәтиҗәләре буенча әти-әниләр җыелышы булды.  Көн тәртибе буенча, Саба районы ГИБДД инспекторлары Насибуллин И.Д., Ягафарова Г.Н. ата-аналарны юл йөрү кагыйдәләре, машинада балалар өчен кресло таләпләре, утяктырткыч элементлары, штраф төрләре һәм башка күп төрле закон-кагыйдәләрне аңлатып үттеләр. Шулай ук ата-аналарның  сорауларына җавап бирделәр. Фельдшер Абдрахманова Г ның "Прививкалар һәм демографик хәл" турындагы чыгышы да бик эчтәлекле булды. Уку-укыту эшләре буенча директор урынбасары Мәхмүтова Г.З. 3 нче чирек нәтиҗәләре, алда торган ВПРның нинди тәртиптә үтәчәге белән таныштырды.  Тәрбия эшләре буенча директор урынбасары Мирзегәләмова Г.Б. балаларның тәртибенә, үз-үзләрен тотышына игътибарлы булырга чакырды. 71 нче номерлы закон белән кабаттан таныштырды.

Башлангыч сыйныфлар атналыгының икенче көнендә "Кошлар безнең дуслар" дигән рәсем конкурсы узды. Бу конкурста 2нче сыйныф укучылары бик актив катнашты.

Бүгеннән мәктәптә башлангыч сыйныфлар атналыгы башланды. "Матур язу" конкурсында 1 класс укучылары да актив катнашты.

Бүген технология укытучысы Мирзегәләмова Г.Б. атналыкны йомгаклап, 8 нче сыйныф кызлары белән "Татар халык ашлары" темасына ачык дәрес күрсәтте. 

Технология атналыгы кысаларында мәктәптә, укучыларның кул эшләреннән торган күргәзмә оештырылды.

Бүген, 5-7 нче сыйныф укучылары "Мин барысын булдырам!" дип аталган конкурста көч сынаштылар. Кызлар үзләренең белемнәрен тегү, чигү, кулинария өлкәсендә сынап карады. Чыннан да, алар барысын да булдыра икән.

12 марта на базе МБУ ДО "Центр детского творчества Сабинского муниципального района" традиционно прошел районный этап Всероссийского конкурса юных чтецов "Живая классика". Ученики  соревновались в чтении отрывков из прозаических произведений русских и зарубежных писателей. Нашу школу представила ученица 9 класса Газиянова Эльвира (руководитель Габдулхакова М.Р.) и получила диплом за участие.

Чәчләр темасын дәвам итеп, технология атналыгының икенче көнендә, Мирзегәләмова Г.Б., Мирзагәләмова И.А.  укучыларга чәч ясау буенча мастер-класслар күрсәттеләр. Шулай ук укучылар үзләренең иптәшләренә дә матур прическалар ясадылар.

Бүген мәктәбебездә технология атналыгы башланды. Аның беренче көнендә чәчләргә игътибар бирелде. Кызлар өйләрендә матур прическалар ясап килделәр һәм аны якладылар.

Бүген мәктәбебездә егетләр, кызларны, укытучы хатын- кызларыбызны бәйрәм белән котлады.Үзләренең әйтәсе килгән теләкләрен җыр, бию, нәфис сүз белән җиткерделәр. Концерт бик күңелле булды.