Лагерьга йөрүче укучылар бүген, Лесхоз дендралогия бакчасына сәяхәткә бардылар. Шулай ук урман музеенда булдылар. Сәяхәт укучыларга бик ошады, истә калырлык булды.

Мәктәптә бүген "Кыңгырау" кышкы ял һәм сәламәтләндерү лагеры эшли башлады. Укучылар командага "Телепузиклар" исеме алдылар. "Тылсымлы кыңгырау яки Кыш бабай бүләге" темасы астында төрле кул эшләре, рәсемнәр ясадылар. Тау битеннән чана шудылар.

Быел кар аз булса да, әти-әниләр ярдәме белән "Кар бабайлар парады" ясалды, һәм район буенча мәктәбебез кызыксындыру бүләгенә лаек булды. Молодцы!

3-9 декабрь аралыгында  "Коррупциягә-юк!" акциясе үтте. Шул уңайдан, 1-9 классларда ачык тәрбия дәресләре үткәрелде, буклетлар таратылды, плакатлар эшләнде. Укучыларга коррупциянең начар гамәл икәне аңлатылды.

"Инвалидлар ункөнлеге" акциясе кысаларында, мәктәбебездә күп төрле чаралар оештырылды. 6нчы сыйныф укучылары классташларын үз куллары белән ясаган бүләк белән сөендерсә, 9нчы сыйныф укучылары өйдә белем алучы классташларын оригиналь бүләк биреп шатландырды.

Буген 6 нчы сыйныф кызлары, авылдашлары Нәзирова Гөлүсә апалары белән якыннан танышырга, хәлен белергә бардылар. Кызлар җырлар җырлап, өйрәнгән шигырьләрен сөйләп аның күңелен күтәрделәр. Гөлүсә апалары, узенең яхшы хәтере белән укучыларны шаккаттырды, барысының да туган көннәрен яттан әйтеп бирде. 

3 нче декабрь көнне "Сәләтле балалар мәктәбе"ндә шашка уеннары оештырылды. Әлеге ярышта безнең мәктәптән 1 сыйныф укучылары Идиятова Нәзилә, Фатхуллин Илдан катнашты. Үз иптәшләре арасында Нәзилә 3 нче урынга лаек булды. Котлыйбыз!

Мәктәбебездә "Стоп ВИЧ/СПИД" акциясе үткәрелде. Авыл фельдшеры Гатиятова Г.Ә. укучыларга лекция укыды. Башлангыч сыйныфлар флешмоб оештырды.

Тәрбия планы нигезендә, мәктәбебездә класс җитәкчеләре семинары:  "Конкурентлыкка сәләтле шәхес тәрбияләү максатыннан, һөнәри юнәлеш бирүдә мәктәпнең роле" темасы астында үтте. Килгән кунаклар тарафыннан, 2нче сыйныфта Ханнанова А.С үткәргән "Тату гаилә-ил терәге!" ачык тәрбия сәгате, тәрбия юнәлешләре буенча үткәрелгән мастер-класслар, әниләр көне уңаеннан үткәрелгән, "Ана-бөек исем!" концерт программасы, авыл һөнәрчеләре белән берлектә әзерләнгән күргәзмә югары бәяләнде.

Бүген мәктәбебездә Алисә Гөмәрова җитәкчелегендә, "Яшь журналистлар мәктәбе" түгәрәге үтте. Очрашуга безнең якташыбыз, язучы -Гөлсинә Галимуллина килде. Укучылар аңа кызыклы сораулар бирделәр, тормышы белән кызыксындылар. Г. Галимуллина, үз призына, укучылар арасында конкурс игълан итте.