Бакчабызда җәйнең һәр көнен күңелле һәм файдалы уздырабыз. Бүгенге матур  көнне тагын да истәлекле итү өчен мәктәпкә әзерлек төркеме балалары белән (Тәрбиячеләре Закирова В.Р.,  Ганиева Г.Х.) Сабабызның матур урыннары буйлап күңелле сәяхәт оештырырга уйладык. Экскурсия маршруты буенча иң элек  автобуска утырып, Сабаның Яр буенда урнашкан ял итү мәйданчыгына килдек.  Агачтан ясалган корылмалар, “кабырчык” эчендә урнашкан бауларда йөрү, таудан шуу, атынгычта атыну балаларга бик ошады.  Аннары яр буйлап сузылган озын  агач күпер буйлап  “Олимп” ял итү паркына юл алдык.