Бүгенге рәсем шөгыле " Әбиемә җылы итек бүләк итәм" дигән тема астында утте. Балалар итекләрнең килеп чыгышы, басылышы, чигелеше турында мәгълүмат алып, белемнэрен киңәйттеләр. Итекләргә матур бизәкләр төшерделәр.

Бүген балалар танып белү эшчәнлегендә , Ак Әбидә кунакта булдылар.Алар  әби белән татар милли киемнәре- бала итәкле күлмәк, камзул, күкрәкчә, түбәтәй; бизәнү әйберләре- йөзек, беләзек, чулпы һәм башкалар   турында сөйләштеләр, уеннар уйнадылар.

Аппликация эшчәнлегендә балалар , татар халкының милли бизәге булган, Сабантуй бәйрәмнәрендә батырның җилкәсенә сала , матур итеп атларны бизи торган  сөлге ясадылар.

Бүген балалар кышның матур көннәреннән файдаланып , рәхәтләнеп карда аунадылар, куышлы, качышлы уйнадылар.

Район балалар бакчаларында тәрбияләнүче балалар арасында үткәрелгән "Правила дорожного движения на зимней дороге!"  рәсем конкурсында  катнашып,  Зөлфинә Вәлиева, Риана Сабирҗанова, Алсу Зарипова Мактау грамотасы белән бүләкләнде. Котлыйбыз, алга таба да уңышлар телибез аларга.

Кыш бабай, Кар кызы, Кыш әбисе, Иркәбикә һәм башкалар балаларга күңелле ял һәм бәйрәм бүләк иттеләр.

Балалар тәрбиячеләр белән берлектә Әниләр бәйрәменә әзерләнә.

Татар халкының милли йолалары, бәйрәмнәре белән балалар бакчада һәрвакыт танышып торалар. Шушы көннәрдә булып узган Корбан бәйрәме турында да аларга кирәкле мәгьлүмат җиткерелде. Йоланың асылы нидә икәнлеге аңлатылды. Бүген исә балалар бакчасында Корбан ашы уздырылды. Авылыбызның имам- хатыйбы Рушан Гыйлманов бакчага килеп балаларга вәгазь укыды, Корбан бәйрәме турында сөйләде, балаларның белгән догаларын тыңлады. Балаларга акыллы, тәрбияле, инсафлы булып үсегез, дип теләкләрен теләп , алып килгән бүләкләрен таратты. Изге теләкләре өчен Рушан Сәетнуровичка, корбан чалып балаларны сыйлаган хуҗалык җитәкчеләренә рәхмәтебезне белдерәбез.