Без бүген кечкенәләр төркеме балалары белән " Туган ил кайдан башлана " дигән сорауга җавап эзләдек.
Әңгәмәнең максаты: Татар культура һәм татар теле аша балаларның гражданлык тәңгәллеге нигезләрен формалаштыру.
Иң беренче балалар белән туган ил гайләдән башлана икәнен ачыкладык. Алар белән "Гайлә" бармак уенын уйнап алдык.
Туган ил туган авылдан да башлана икәнен белдек.
"Туган авылым" шигырен укыгач, "Түбәтәй" иатар милли уенын уйнап алдык.
Татарлар янәшә торучы халыклар белән дуслыкта яшиләр дигән нәтиҗә ясадык.
Татарстан Республикасы Дәүләт флагның төсләре нәрсәне аңлата икәнен кабатлап үттек.
Балаларга төрле милләтләр халыкларына яхшы, изге мөнәсәбәт белән карарга һәм гореф-гадәтләрне хөрмәт итүнең мөһимлеге аңлатылды.

Бу көнне бөтен җирдә урманнарны һәм яшеллекләрне яклауга юнәлдерелгән төрле чаралар үткәрелә.
Кечкенәләр төркемендә балаларда урман турындагы белемнәрне арттыруга юнәлдерелгән экологик әңгәмә үткәрелде. Төзү уенчыклары ярдәмендә балалар белән матур чәчәкле урман аланын төзедек. Төрле төстәге пластилиннар ярдәмендә бай табигатьле урманны әвәләп ясадык.
"Урман-безнең байлыгыбыз" - темасына үткәрелгән чаралар балаларның урман турындагы белемнәрен тирәнәйтергә, балаларның табигатьне саклау күнекмәләрен ныгытырга мөмкинлек бирә.

Нәүрүз – язны каршылап, язгы чәчү эшләре алдыннан үткәрелә торган халык бәйрәме ул. Нәүрүз бәйрәме – ул игелек, дуслык бәйрәме. Бу гүзәл, язгы бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар , бииләр, рәхәтләнеп күңел ачалар. Бу бәйрәмнең хуҗасы- Нәүрүзбикә. Нәүрүз бәйрәме атна-ун көн дәвам иткән.
Бу бәйрәм көннәрендә олылар, әби-бабайлар, өйдә матур киемнәрен киеп, махсус нәүрүз намазларын укыганнар. Гаиләгә, илгә, дәүләт башлыкларына исәнлек, тынычлык, бәхет, зур уңышлар теләп, озак-озак итеп дога кылганнар, хәерле Яңа ел килүен сораганнар.

Бүген безнең бакчабызда Нәүрүз бәйрәме булып үтте. Нәүрүзбикә белән Кыш әби көч сынаштылар. Бәйрәм яз турындагы шигырьләр, матур җырлар, күмәк җырлы уеннар белән үрелеп барды. Яз кызы -Нәурүзбикәне матур җырлар җырлап каршы алдык. Ә Кыш әбине киләсе елга тагын килерсең дип озаттык. Бәйрәм ахырында балалар тәмле коймактан авыз иттеләр. Бәйрәм күңелле үтте.

"Тәрәзә төбендә яшелчә бакчасы”
Балаларның табигатькә тотрыклы кызыксынуын формалаштыру, шулай ук экологик белемле бала тәрбияләү өчен уңайлы шартлар тудыру максатыннан, зурлар төркеменең тәрәзә төбендә яшелчә бакчасы оештырылды. Кояш көннән-көн югарырак җылыта, көннәр озыная . Бакчачыларның орлык чәчү вакыты җитә. Балалар бакчасында тәрәзә төбендә кечкенә генә бакча ясау бик күңелле эш, аеруча кыш яки яз айларында. Табигатьнең яңа бүләкләрен татып кына калмыйча, аның төсләренә, яшеллегенә дә сокланасы килә. Ләкин беренче язгы яшеллек синең тәрәзә төбендә өлгерсә, аннан да күңеллерәк нәрсә юк. Тәрәзә бакчасы ярдәмендә балалар бүлмә шартларында үсемлекләрне ничек кайгыртырга, үсемлекләр үсеше өчен яктылык, җылылык, туфрак дымы кирәклеге турында яңа белемнәр алалар, танып белү һәм иҗади сәләтләрен үстерәләр.

Балаларга экскурсия оештырдылар, дендрариумдагы усемлекләр һәм агачлар белән таныштырып киттеләр. Азактан балалар белән берлектә фикусны утырттык.

Балаларга ветеринар һөнәре, йорт хайваннары һәм кыргый хайваннар турында сөйләделәр.

Балалар ветеринария һөнәре турында бик күп яңа мәгълүмат белделәр, песинең йөрәген тыңлап карарга да мөмкинлек туды.

Бүген бакчабызның кечкенәләр төркемендә 8 март бәйрәме уңаеннан бәйрәм чарасы булып узды. Балалар иң кадерле, газиз кешеләрен - әниләрен, әби-апайларын бәйрәм белән котлап үзләренең матур чыгышлары - җыр- биюләре, шигырьләре аша котладылар.
Бәйрәмнең икенче өлешендә әниләребез белән матур уеннар уйнадык. Уенда барлык әниләр дә балалар да бик теләп катнаштылар. Бәйрәмебезнең өченче өлешендә Әмирәбезнең әнисе, Ильфия Фаризовна Рамазан ае уңаеннан дип әбиләребезгә бүләк итү максатыннан, матур открыткалар ясау буенча мастер класс үткәрде. Бу мастер класста катнашу әниләргә дә шулай ук балаларга да бик ошады. Бәйрәм күңелле узды.

Балалардан җыр-биюләр, әти-әниләр белән берлектә күңелле эстафета уеннары белән үрелеп барды. Барлык гаилә үзләренең җитезлекләрен,тапкырлыкларын,җырга-моңга гашыйк булганнарын төрле уеннар аша күрсәттеләр. Командалар арасында дуслык җиңде, барысы да уңганнар-булганнар,афәрин

Почта булегендә балаларга хатлар каян килгәне, кайда буленгәне турында сөйләделәр. Соңыннан балалар хатка узләренен адресларын язып тапшырдылар һәм почта аша җибәрделәр.
Балалар белән бассейн буенча экскурсия үткәрелде, бассейн һәм тренажер залда кемнәр эшләуе турында белделәр . Балалар төрле профессияләр белән таныштылар, кызыксындырган сорауларына җавап алдылар.